Ɉeremi 46:20 - Yálá laawoo hɛɓɛ (dc)

²⁰ Nįŋɛ̨ haa gbɔn nɛlɛɛ ɓaa Eziptə, kɛlaa, vɔnŋaa daa həɠə ɲələi pələ, diɛ pa mɛ̨i.

Yálá laawoo hɛɓɛ

²⁰ Nįŋɛ̨ haa gbɔn nɛlɛɛ ɓaa Eziptə, kɛlaa, vɔnŋaa daa həɠə ɲələi pələ, diɛ pa mɛ̨i.

Bible

²⁰ Ize kâa yɛ̂ɛ niŋa saa loŋ lɛ́lɛɛ, nyíi ƃóŋ kooŋ sãa da kula yá-ŋûa da pɛ̀lɛ mai.

Ɉeremi 46:20 Referans Kwoze

Osia 10:11

Ɛfraimə ə kɛ a nįŋɛ̨ kpəla, dɔɔ a nɛlɛɛ, koló wɛli ə ɓo mą, ŋą́ lɛɛ tɛɛi, ŋį́ gɔn nɛlɛ pələ kaa, ŋą́ nwun nɔ tiɛ̨ mu, Ɉuda ə kɛi kɛɛ hin, Ɉakɔbə yɛ gɛɛ kpɛŋɛ̨n.

Ɉeremi 47:2

Yai-Laa yɛ diɛ: Ɲáɠaa daa hvɛɛ ɲələi pələ, daa di mąą pənə a ya huluunŋaa; daa hiɛ nɔi da ɉu hɛnŋaa kəlee mɛ̨i, ə mą kɛ, da ɉu nu kanŋaa kəlee. Nuą kaa tomąi, nɔi nuą kəlee kaa nuą təlii diɛ.

Ɉeremi 46:6

Gilɛ həɠə nuą di hva pɛli pui, huwalawala nuą di hva pɛli kulɔi ɉu. Ɲánwuɔ̨ pələ Eufratə kwɛlɛ, daa kalin, diɛ too.

Ɉeremi 1:14

Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Ɉeremi 46:24

Nwumɛ̨ aa Eziptə nwɔ lɛlɛ ɲɛ̨i paa, aa too yələi pələ nuą yee ɲą.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.