Ɉeremi 46:19 - Yálá laawoo hɛɓɛ (dc)

¹⁹ Eziptə lɔi hu nuą, 'Ka ká tiɛ̨ pɛli ka mąąkilɛ mɛ̨nį ɓa. Mɛmfisə kaa pai lɛɛi a lɔi mąąwɛliɛ, a taa kələn, nu hvo ɉu.

Yálá laawoo hɛɓɛ

¹⁹ Eziptə lɔi hu nuą, 'Ka ká tiɛ̨ pɛli ka mąąkilɛ mɛ̨nį ɓa. Mɛmfisə kaa pai lɛɛi a lɔi mąąwɛliɛ, a taa kələn, nu hvo ɉu.

Bible

¹⁹ Káai a Ize-ƃelai, ka kákpîŋ kpɛ́tɛ a gɛɛ ká lí kɔ-sôŋ-laa su. Da pâi Mɛŋfee kɛ̂i a fɛ̃ɛ-kpâlaŋ. Da pâi kɛ̂i a taa pîleŋ ŋá.

Ɉeremi 46:19 Referans Kwoze

Azaya 20:4

Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Ɉeremi 48:18

Kulɔ ə́ wɔɔ mąąwiɛ laa hu, ə́ yɛɛ ə́ hee muluun ɉu. Divɔn nuą, kaan, Moabə hukala mun gaa tɛi a kɔ́, yɛ pɛlɛ yɛ́. Gaa ə́ mąąkpɛ hiinŋaa pui.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Ɉeremi 44:1

Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka:

Sofoni 2:5

Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 26:9

Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Azaya 19:13

Tanisə ɲąąwooɓo nuą kili kpɛɛi kpɔ di yəi tɛ̨ɛ̨ tɛ̨ɛ̨, Mɛmfisə ɲąąwooɓo nuą diɛ di kpɔwɔ ɓowo, di kaa pai gɛi Eziptə yɛ tɔɔ lɔ takpa takpa, diɛi tii a nɔi lonnii mąą mɛ̨nį nwun ɉon gwɛni.

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Izikiɛ 29:11

Nu kɔ́wɔ hva kɛa hvilɛn naa; huwɔ kɔ́wɔ hva kɛa hvilɛn naa. Nu hvo pai kɛi laakwɛlan bow nąąn ɲee mu.

Izikiɛ 29:12

Gáá pai Eziptə lɔi kɛi a lɔi pun, lɔi punŋaa lɔwai, nwɔ taaɠaai da kɛ a taai nu hva kɛ ɉu taa kpoloonŋąą lɔwai, kwɛlan bow nąąn ɲee mu; ɛlɛɛ, gáá pai Eziptə nuą taɠa taɠai lɔiɠaa hu; gáá pai di taɠai lɔiɠaa lɔwai.

Osia 9:6

Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.