Ɉeremi 46:14 - Yálá laawoo hɛɓɛ (dc)

¹⁴ 'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Yálá laawoo hɛɓɛ

¹⁴ 'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Bible

¹⁴ “Tuŋ too Ize taa-ŋai su, doo Midɔ, Mɛŋfee da Tapaɣee. ‘Ka kɛ́ a kákpîŋ kpɛtɛɛ. Zãâi káyêei da pâi dísu karâi kɔ́ su.

Ɉeremi 46:14 Referans Kwoze

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 44:1

Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka:

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Azaya 1:20

Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Azaya 31:8

Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Samia Veerɛi 2:26

Avnɛrə ə nwoo tɛ ɲələ, yɛ Ɉoabə ɓa: «Kɔ kɔ́ ɓɔwa hvo mɔ̨ɔ̨ pai kpɛlai nu paa ɓa? Ə́ kili hvo ɉu yɛ naa kaa pai kulɔi a ɲąąnwąnąą? Mįnɛ̨ lɔwai ɓə ə́ kaa pai ə́ wɔ nuąi kpɛlai la di nąn nonnii kpɛɛ ɓa?»

Lɛɛ gbɔwɔ ɓa 14:2

«'Mo Israɛlə lonnii diɛ, di pənə di pa, di di wɔ ɓuwui pɛlɛ Pi-Hahirotə, Migdolə da gboloyá di lɔwai; Baalə-Sefɔn tənən ma, gboloyá kwɛlɛ pələ.

Dutɛrɔnome 32:42

Nwɔ́ kɔ́ kɔ́ ɓɔwai kaa pai pilɛi huwɔ hu. Nwɔ́ mɛ̨ɛ̨kɔwɠaa diɛ di kpələ a ɲąmą, yɛ di kɛlɛ yɛ lɔɔ, diɛ pilɛ a nuąi daa haa di ɲąmą, da gɔ́kulááɠaa, da ɲówo nwun gbilɛɛɠaa, nwun galən ɲąmą.»

Azaya 19:13

Tanisə ɲąąwooɓo nuą kili kpɛɛi kpɔ di yəi tɛ̨ɛ̨ tɛ̨ɛ̨, Mɛmfisə ɲąąwooɓo nuą diɛ di kpɔwɔ ɓowo, di kaa pai gɛi Eziptə yɛ tɔɔ lɔ takpa takpa, diɛi tii a nɔi lonnii mąą mɛ̨nį nwun ɉon gwɛni.

Ɉeremi 46:2

Yii hvilɛn na Eziptə ɓa, nwɛi ka: Eziptə tɔɔmun Neko nwɔ kɔlaɠai ŋɛ̨i kɛ Eufratə ya kɛnɛ̨ kwɛlɛ Karkemisə taa tənən ma, ɓɛlɔwai Babilonə tɔɔmun Nabukodonosorə ə ɉon na kɔ́ hu, ə kɛ a Ɉuda tɔɔmun Yoyakimə, Ɉosiasə lon nwɔ tɔɔlaa gwɛlan nąąn nɔwai.

Ɉeremi 46:19

Eziptə lɔi hu nuą, 'Ka ká tiɛ̨ pɛli ka mąąkilɛ mɛ̨nį ɓa. Mɛmfisə kaa pai lɛɛi a lɔi mąąwɛliɛ, a taa kələn, nu hvo ɉu.

Izikiɛ 21:28

Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Osia 9:6

Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.

Ɉeremi 2:16

Ə mą kɛ Mɛmfisə nuą da Dafne nuą, diɛ Israɛlə nuą nwun giin.