Ɉeremi 44:8 - Yálá laawoo hɛɓɛ (dc)

⁸ Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Yálá laawoo hɛɓɛ

⁸ Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Bible

⁸ Lé mɛni ƃé ka ńii ŋwána mɛni kɛ̂i la a ɣâla-pɔkɔɔŋ fɛliɛɛ da sâla kuláa ɣâla da kpɛ́ni-ŋa dîa Ize ƃɛ́i káseɛɛ káa naai? Kakaa nɔ́ gɛ̂i tí a gɛɛ ká kákpîŋ su-kara a gɛɛ ǹɔii-ŋuŋ-ŋai dí ɣɛ́lɛ-maa kúla kákponôi ŋ̀éniɛi su, díkɛ dífôo a kálaa?

Ɉeremi 44:8 Referans Kwoze

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Kɔlɔnikɔ Veerɛi 7:20

ka gɛ tii, nɔi ŋɛ̨i ŋį́ dɛɛ ka pɔ, ŋį́ ka kulɔ ɉu, ɛlɛɛ, bɛlɛ́i ŋɛ̨i ŋį́ mąąhəɠə ŋį́ náá hee mą, ŋį́ bili, ŋį́ gulɔ ɲɛ̨́i mu, ŋį́ gɛ a hį́į lɔi kəlee ŋą yɛlɛ kulɔ ɉu hɛn, diɛ yɛlɛ mą.

Hebreu 3:16

Akɛti, gbɛɛ nuą ɓə Yálá laa woo mɛ̨n, diɛ di kwɛli tee? Kɛlɛi nuąi kpɔ kulɔ Eziptə lɔi hu Moisə háálai diɛ ɓə-é!

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Ɉeremi 44:7

«Yii hu, ə həli kɛa kaa! Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: Lə ɓə kɛ, yaai, ka káá mɔ̨nɔ̨ taaləi tii lɔi ka kpɔɔ pɔ? Diɛ ka kəlee ka paa Ɉuda lɔi hu; ɉinąą mąn, nɛ̨ą mąn, nɛapɛlɛɛ da non gaa nįnɛ̨ɠaa? Ka kpəli logolo kpɛli hva lɛɛ!

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Azaya 3:8

Ɉerusalɛmə aa kalin, Ɉuda lɔi yɛ too; mąąhɔlɔɓo, di ka lɔ Yai-Laa ɓɛlɛ too mɛ̨nį hu a di hvaa woo, da mɛ̨nįɠaai da kɛ naai mą.

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Ɉeremi 11:12

Nąąlɔwai, ɉaliɠaa tii Ɉuda taaɠaa, da Ɉerusalɛmə taa, di kɛi ɉaláá hɛnŋaa kələn di lííla, di kaa pai lii di pɔ, diɛ di hvɛlii, kɛlaa, yiliɠaa di hvo pai pɛlii di kulɔi mąąwɛli mɛ̨nį tii hu.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Osia 4:13

Da kɛ haláá kulɔi yeeɠaa nwuɔ̨, diɛ hali kɔ́ hɛnŋąą kələn yee kpukpuɠaa nwuɔ̨, hɛanɠaa mu, da towələ wuluɠaa mu, gbala ə tɔɔ, di nįnįn mu ɲąąnɛ̨ɛ̨i. Yili mąą mɛ̨nį ɓə ka lonnii nɛ̨ąą da di kɔ́lɔ lɔwɔ́tɔɔ la, ka lon nɛ̨ąni diɛ wɛli hon.

Habakukə 1:16

Da kɛ haláá kulɔi di wɔ ya tuluun dumɔ̨ɠaai diɛ, diɛ lansan kələn diɛ. Mąąhɔlɔɓo, ɲa tuluun dumɔ̨ɠaa tii haalai ɓə da kɔ̨nɔ̨n ɉɔlɔɓo la, a kɔ̨nɔ̨n gɛnɛ̨, nɛ̨ɛ̨.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Ɉeremi 32:30

A tɛ̨ą, ə həɠə Israɛlə da Ɉuda di muhəɠə yələ ɓa, mɛ̨nįi nwɛli hvo mą́ą́, yaa lɔ ɓə da kɛ gɛi. Israɛlə lonnii daa nwąnąlɔ a di túwɔ́ pələ.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?