Ɉeremi 43:4 - Yálá laawoo hɛɓɛ (dc)

⁴ Karea lon Yohanan mąn, gɔ́kulaa nwun nąmįną mąn, nu ta lɔpee hvo gɛ hvo nwəli tɔɔ Yai-Laa woo ɓa, yɛ kɛ di lɛɛ Ɉuda lɔi hu.

Yálá laawoo hɛɓɛ

⁴ Karea lon Yohanan mąn, gɔ́kulaa nwun nąmįną mąn, nu ta lɔpee hvo gɛ hvo nwəli tɔɔ Yai-Laa woo ɓa, yɛ kɛ di lɛɛ Ɉuda lɔi hu.

Bible

⁴ M̀ɛni ma, é máŋ kɛ́ yɛ̂ɛ Zoanaŋ, gɔ-kuluƃa-ŋai mɛi-ƃelai, kpaa máŋ ǹûai, dí tɔnɔ da fé ŋ̀óli tɔɔ ní Yâwɛɛ wóo ma a gɛɛ dí lɛ́ɛ Zuda a dɔnɔ kpîŋ.

Ɉeremi 43:4 Referans Kwoze

Ɉeremi 44:5

'Ká hvo ká wəli tɔɔ li, ká hvo mɛ̨n, əgɛ, ka ka pulu tɔɔ ka wɔ kiliŋąhiɛ ɲɔ̨nŋaa tii diɛ, a ka kpɛla mɛ̨nį haláá kulaa ɓa haliɠaa diɛ.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Ikilisiati 9:16

Ya ɓə ŋą́ kɛ gbɔ́wɔ́ ɓa: Kili hviɛlaɓoɔi huwalawala ɓa. Kɛlaa, nui nuą ɲɛ̨itɛɠɛɓoɔ ɉu, a kɛ a kilimąą mun, da mɛlɛkpɛɛ mą, ɛlɛɛ, di hva di wəli tɔɔ nwɔ liɛwoo ɓa.

Tɔɔɓɛlaa veelɛ 25:26

Nɔi nuą kəlee, nu kpɛa kpɛaa mąn, nɛapɛlɛɛɠaa mąn, da gɔ́kulaa kpulu nwun nąmįną, di pu diɛ li Eziptə lɔi hu pələ diɛ ɲɔw Kalde nuą diɛ.

Ɉeremi 41:16

Karea lon Yohanan da gɔ́kulaa nwun nąmįnąi tii kɛ bɔ, di nuąi tii kɛ daa lɛɛ, diɛi tii Netania lon Yismaɛlə ə di kulɔ Mispa, ə di kɛ a luwɔ, yɛ li a diɛ, Ahikamə lon Gedaliasə paa pulu, di di həɠə di nįnįn mu; ɉinąą mąn, gɔ́kulááɠaa mąn, nɛ̨ąą mąn, nɛapɛlɛɛ mąn, da dɔɔ kwəlii nuąi tii di həɠə a diɛ Gabaɔn.

Ɉeremi 42:8

Ə Karea lon Yohanan təli, da gɔ́kulaa nwun nąmįnąi tii kɛ bɔi, da nɔi lonnii kəlee, gbɛa kpɛa da bɛlɛɛ-pɛlɛɛ;

Ɉeremi 42:21

Ya ka ŋɛ̨i mɛ̨nįɠaai ə mo mą́ą́ a ka mąą mɛ̨nį, ka hvo ka wəli tɔɔi da ɓa.