Ɉeremi 43:1 - Yálá laawoo hɛɓɛ (dc)

¹ Ɉeremi kpɛɛ kɛa a nwoo laa kulaa nuą ɲɛ̨i ɓa, a Yai-Laa di wɔ Yálái, wooɠaai ɓoɔ, a yai Yai-Laa di wɔ Yálái ə mo mą, ə gəlee laa həli.

Yálá laawoo hɛɓɛ

¹ Ɉeremi kpɛɛ kɛa a nwoo laa kulaa nuą ɲɛ̨i ɓa, a Yai-Laa di wɔ Yálái, wooɠaai ɓoɔ, a yai Yai-Laa di wɔ Yálái ə mo mą, ə gəlee laa həli.

Bible

¹ Ŋá nâa m̀ɛni-ŋai kélee ƃò ǹúai dîa nyíi-ŋai Díɣâlai Yâwɛɛ è ńdɛ̀ɛ a gɛɛ ŋá m̀ó dîai.

Ɉeremi 43:1 Referans Kwoze

Ɉeremi 26:8

Mɛ̨nįɠaa kpɔ tii Yai-Laa ə Ɉeremi tí la, yɛ hvilɛn na nɔi lonnii diɛ, gbɛɛ a gəlee ɓoɔ, ɉaláá laahəli nuą, da Yálá kwəi mɛ̨nį hukulɔ nuą, da nɔi lonnii kəlee di ɉon, diɛ kɛ mą: «Yáá haa kwɛli a ə́ kpɔwɔ!

Ɉeremi 51:63

Seraya, yá kpɛɛ a ɉɛɓɛ́i ŋɛ̨i ɓoɔ, kwɛni kpuwulu yili mą, ə́ bili Eufratə ɲá hamąi.

Ɉeremi 42:22

Ka ka kili lɛɛ ɉu, káá diɛ ɓɔwa kwɛa kaa li ku paai, ɛlɛɛ, pulu da ɲɔ̨n. Ɓɛi tii ka káá bɔ ka li laa, ka ka mąą kilɛ laa.»

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Gɛlaɠaa 5:20

Ka li Yálá hee pɛlɛ́ mu, 'ká nu ɓalo woo ŋɛ̨i laa həli nɔi lonnii kəlee diɛ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Ɉeremi 26:2

Yai-Laa woo ka, yɛ mą: «'Li ə́ tɔɔ Yai-Laa nwɔ pɛlɛ́i gwəli hąąi, nwooɠaai kpɔ ŋą́ ə́ tí la, ə́ gəlee ɓo, yɛ hvilɛn na Ɉuda taɠaa hu, nuą kəlee diɛ, diɛi tii da pa Yai-Laa yəi bɛlɛ́n diɛ kwɛli hvilɛn mą, gəlee ɓo diɛ, hvə da lɔpee kulɔ ɉu.

Ɉeremi 1:17

Kɛlaa, ə́ wɛi, 'ə́ hąą yili, 'ə́i muhəgə, mɛ̨nįi lɔpee ŋį́ ə́ tí la mo diɛ. 'Hvó nɛɛ laa di hvo ə́ mąą ɲɔw, di hvó hee ə́ mɛ̨i; ya gɛ tii, ɲą́ą́ ɓə pai ə́ hu pui yɛ́ di ɲɛ̨i ɓa.

Ɉeremi 1:7

Kɛlaa, Yai-Laa yɛ mą́ą́: «'Hvó kɛ diɛ: ‹Gáá a lokolo›; mąąhɔlɔɓo, ɓɛi lɔpee ŋį́ ə́ tɔɔlaa, 'lí. Yii lɔpee ŋį́ ə́ tí la, 'mó.

Samuɛlə dɔlɔɔ 8:10

Samuɛlə ə pənə ə Yai-Laa wooɠaa kəlee ɓo nɔi lonnii kɛi tɔɔmun vɛli diɛ. Yɛ diɛ:

Lɛɛ gbɔwɔ ɓa 24:3

Moisə ə pa, ə Yai-Laa wooɠaa kəlee da nwɔ tɔ́n nwoo hukulɔ nɔi lonnii diɛ. Nuą kəlee di nwoo mu hon a gee, diɛ mą: «Nwooɠaai kpɔ tii Yai-Laa ə mo, kwa gəlee kɛ.»

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Ɉeremi 5:12

Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Ɉeremi 42:21

Ya ka ŋɛ̨i mɛ̨nįɠaai ə mo mą́ą́ a ka mąą mɛ̨nį, ka hvo ka wəli tɔɔi da ɓa.