Ɉeremi 42:6 - Yálá laawoo hɛɓɛ (dc)

⁶ Ə lɛlɛ, ə ɲɔ̨nwɔ, kwa tí Yai-Laa woo ɓa, hvo gaai, kuɔ ɓə ə́ tɔɔ bɔ ku mąą mɛ̨nį ɓa. Bulu a lɛlɛ kuɔ, mąąhɔlɔɓo, ku kaa pai lɛɛi Yai-Laa ku wɔ Yálái woo mu.»

Yálá laawoo hɛɓɛ

⁶ Ə lɛlɛ, ə ɲɔ̨nwɔ, kwa tí Yai-Laa woo ɓa, hvo gaai, kuɔ ɓə ə́ tɔɔ bɔ ku mąą mɛ̨nį ɓa. Bulu a lɛlɛ kuɔ, mąąhɔlɔɓo, ku kaa pai lɛɛi Yai-Laa ku wɔ Yálái woo mu.»

Bible

⁶ A nɛ̃ɛ ma é kɛ́ a ǹɛ́lɛɛ, kpaa ǹyɔ́mɔɔ, kwa pâi kúwoli tɔɔ̂i Kúɣâlai Yâwɛɛ wóo ma nyíi kú ímarê kɛ̀ a gɛɛ í vɛli kúmɛni mai. M̀ɛnii kélee a pâi kɛ̂i a ǹɛ́lɛɛ à kɛ̀ kwà kúwoli tɔ̂ɔ ŋ̀óo ma.”

Ɉeremi 42:6 Referans Kwoze

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Lomaŋ 7:13

Akɛti, ɉɛn nɛlɛɛi ŋɛ̨i, aa kɛ a báá hɛn? Kpaa-o! Ya hvəə, nɛ̨ŋɛ̨n mə gɛ, gɛ́ kɛ a haa mun. Bələi kpɔ nɛ̨ŋɛ̨n nwɔ kɛ pələ kaa la, aa yili kulɔ ponoŋą. Ɉɛn kɛ nɛlɛɛ aa ɉəɠə aa gɛ a báá hɛn. Bələ ɓə nɛ̨ŋɛ̨n ə kɛ la a hɛn yii ɲɔ̨nwɔ̨ɔ̨ dɛɛ gɛi ɓa tɔ́n nwɔ liɛwoo pɔ.

Lomaŋ 7:7

Yili mukulaa ɓaa a lə? Akɛti, tɔ́n gaa mɔ̨ɔ̨ a nɛ̨ŋɛ̨n? Kpaa-o, tɔ́n və a nɛ̨ŋɛ̨n. Kɛlaa, dɔ́n mə nɛ̨ŋɛ̨n nɛ mą́ą́. Yili ɓa, və́ kɛli pa ɲɛ̨i kulɔ bɔ kɔ́lɔn ɉii akɛ dɔ́n və kɛ diɛ: 'Hvó ɲɛ̨i kulɔ bɔ kɛ.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Mąątɛ̨nɛ̨ 128:2

Ə́ kaa pai ə́ kɛ kóloɠaa dɔlɔ mį́i. Ə́ nwun na nɛ̨ɛ̨i, ə́ pɔɔ ɓaa yɛnɛ̨ɛ̨ ɲąąnɛ̨ɛ̨.

Zasua 24:24

Nuą diɛ Ɉosue ɓa: «Ku kaa pai tíi Yai-Laa ɓa, Yaai gaa a ku wɔ Yálá, ku lɛɛ nwoo mu.»

Lɛɛ gbɔwɔ ɓa 24:7

Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Dutɛrɔnome 5:27

A kɛ tii, lɛɠɛ laa, yɛ́ Yai-Laa gu wɔ Yálái woo kəlee mɛ̨n, mɛ̨nįi lɔpee Yai-Laa gu wɔ Yálái a mo yɛ́, ə́ pənə yɛ́ mo kuɔ, a kɛ tii, ku kaa pai ku wəli tɔɔi mą, kuɔ bɔ mɛ̨nį kɛ.»

Ɉeremi 22:15

Ə́ kaa bɔ ə́ ə́ wɔ tɔɔlaai hee a nɛlɛɛ, ə́ nuą ɲɛ̨i tinɛ̨n, ə́ ɉee yɛ́, a kpitili wulu kɛ mɛ̨nį ə́ wɔ pɛlɛ́ nwąnąi ɓa? Ə́ nąn və́ kɛi mɔ̨ɔ̨ naa mįi, yɛ gbələ, yɛ tələnmolaa da tɛ̨ą mɛ̨nį di mąąkɔ̨nwɔ̨? Kɛlaa ə kɛ lɔ nɛɛ hu-ee?

Ɉeremi 43:4

Karea lon Yohanan mąn, gɔ́kulaa nwun nąmįną mąn, nu ta lɔpee hvo gɛ hvo nwəli tɔɔ Yai-Laa woo ɓa, yɛ kɛ di lɛɛ Ɉuda lɔi hu.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.