Ɉeremi 41:1 - Yálá laawoo hɛɓɛ (dc)

¹ Ɲąnin mɛ̨ihveelɛnąą, Elisama lon Netania non Yismaɛlə, ŋɛ̨i kɛ a tɔɔmun ɉuwu, ə ɓo a tɔɔmun nwɔ kalanɉon gɛnɛ̨ ta; ə pa Ahikamə lon Gedaliasə pɔ Mispa, nu pow hvilɛnŋąą kɛ bɔ. Di lɛɛ kɔ̨nɔ̨n mįi da diɛni Mispa,

Yálá laawoo hɛɓɛ

¹ Ɲąnin mɛ̨ihveelɛnąą, Elisama lon Netania non Yismaɛlə, ŋɛ̨i kɛ a tɔɔmun ɉuwu, ə ɓo a tɔɔmun nwɔ kalanɉon gɛnɛ̨ ta; ə pa Ahikamə lon Gedaliasə pɔ Mispa, nu pow hvilɛnŋąą kɛ bɔ. Di lɛɛ kɔ̨nɔ̨n mįi da diɛni Mispa,

Bible

¹ Maa kôraŋ tí ŋɔɣáloŋ lɔ́ɔlu-mɛi feerɛi su, nalôŋ tɔnɔ nyíi da kâa kɛ̀ ma Isimɛi è pà. Isimɛi ŋí ǹâŋ láa ƃé kɛ̀ a Nɛtatiɛ. Nɛtatiɛ ǹyaŋ è kɛ̀ a Ilisama ǹóŋ. Ilisama è kɛ̀ a gâloŋ ŋɔsuui su nuui da, gɛ́ ƃò ŋɔ́nɔ a díi kɛ́-nuu kɛ́tɛi dɔnɔ. Isimɛ da kpakolo puu dí lí Mesipa Gidalia pɔ́ naa nyíi kɛ̀ a gâloŋ. Tãi da dîa-ni dí kɛ̀ dílaa miî lai,

Ɉeremi 41:1 Referans Kwoze

Ɉeremi 40:8

Yili ɓə gɛ nuą ŋɛ̨i diɛ pa Gedaliasə kaai Mispa, diɛ ɓaa kɛ: Netaniahu lon Yismaɛlə, da Karea lonnii Yohanan da Yonatan, Seraya Tanhumetə lon da Netofa mun Efayi lonnii, da Maaka mun lon Yezaniahu, nuąi tii da di yee pɔ nuą.

Ɉeremi 40:6

Ɉeremi ə li Mispa, Ahikamə lon Gedaliasə pɔ, ə lɛɛ bɔɔli da nuąi tii lɛɛ nɔi.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Izikiɛ 17:13

Ə dɔɔ kwəlii mun da həɠə, da yaa di woo ə laa mą; yili ə nwoo kwɛlɛ mą, yɛ gwɛla ɉu; ə nɔi kalanɉonŋaa həɠə.

Ɉeremi 36:20

Di ɉɛɓɛ́ yili laa ɉɛɓɛ́ kɛ mun Elisama yəi góló kɛɛnąą. Di lɔ tɔɔmun ɲíi pɛlɛ́ mu, di mɛ̨nįɠaai tii kəlee hukulɔ tɔɔmun ma.

Ɉeremi 36:12

Ə yɛɛ dɔɔmun ɲəi bɛlɛ́n, ə lɔ ɉɛɓɛ́ kɛ mun nwɔ kóló kɛi, nɔi ɲɛ̨itɔwɔ nuą kəlee ɲąąkpɔnŋaa kɛ laa, nwun dɔɔ hu. Ɉɛɓɛ́ kɛ mun Elisama, Delayahu Semayahu lon, Ɛlnatan Akbɔrə lon, Gemariahu, Safan lon, Sedesiasə, Hananiahu lon, da nɔi ɲɛ̨itɔwɔ nuą takpɛliɠaa.

Hanwon 27:4

Líiholi kaa a kili ɲɔ̨nwɔ̨ɔ̨ ɛlɛɛ, líi kələn gwəi walawalaa, Kɛlaa, gbɛɛ ɓə a pɛli tɔɔi tolo mɛ̨nį la?

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Mąątɛ̨nɛ̨ 109:5

Daa mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨, diɛ ɓɛlan naa pɔɔ kulɔ a yowolaa.

Kɔlɔnikɔ Veerɛi 22:10

Gaai Akaziasə nee Atali ə mo, yɛ kɛ, non Akaziasə aa haa; ə gili tee gwəi, yɛ kɛ ə dɔɔkwəlii lonŋąą kəlee paa Ɉuda yəi bɛlɛ́n.

Tɔɔɓɛlaa veelɛ 25:25

Kɛlaa, ɲąnin mɛ̨ihveelɛ lɔwai, Elisama yai kɛ a dɔɔ kwəlii mun da, mąnįn Yismaɛlə yaai a Netania lon, da nu pow di pa di Gedaliasə paa, ə mą kɛ, da Ɉuda nuą, da Kalde nuąi da diɛni da kɛ Mispa daai.

Tɔɔɓɛlaa veelɛ 11:1

Yii kɛa Akaziasə nee Atali ə gɔlɔn yɛ non aa haa, ə gɔwɔ tɔɔ yɛ dɔɔ kwəlii lɛapɛlɛɛ kəlee paa.

Samia Veerɛi 3:27

Pənəi Avnɛrə ə mo ə pa, Ɉoabə ə li la ɉįi laa kpulu kpon gwɛlɛ pələ a gbanalaa, yɛ aa kɛi kɛ ə mɛ̨nį ta mo mą a nɛlɛɛ. Ə ɓɔwa pu gwəi, ə baa; Ɉoabə ə nəɠə Asahɛlə nwąną kulɔ.

Ɉeremi 39:14

di nu ta tɔɔ yɛ li Ɉeremi təlii dɔɔ kwəli mąąkpɛ nuą yəi gwəlii. Di dɛɛ Ahikamə lon Gedaliasə yai kɛ a Safan lon bɔ. Yili yɛ mą: Yá pɛli mą ə́ li ə́ yəi bɛlɛ́n; bələ ɓə Ɉeremi ə lɛɛ la nuą lɔwai.

Ɉeremi 40:5

Yá wala kɛ bɔ hvo lɛɛ bɔ́, pənə ə́ li Gedaliasə pɔ, yii gaa a Ahikamə lon, ə ɓo a Safan wɔ lon, ya ɓə Babilonə tɔɔmun ə ɉee, yɛ ɲɛ̨i kɛ Ɉuda taaɠaa diɛ, lɛɛ bɔ ka nɔi hu nuą, a wala kɛ tii, li ɓɛi ə́ kaa bɔ ə́ li laa. Tɔɔmun mąąkpɛ kɔ́kulááɠaa nwun nąmu, ə kɔnɔ̨nŋaa tɛɛ Ɉeremi pɔ, da dɔɔ bələi hɛn, ə yələ wala too mą.

Ɉeremi 40:13

Pai Karea lon Yohanan ə mo Mispa Gedaliasə pɔ, gɔ́kulaa nwun nąmįnąi kɛ di taɠa taɠa nɔi hu,

Tɔɔɓɛlaa veelɛ 25:22

Nuą yiiɠaai lɛɛ Ɉuda lɔi hu, diɛi Babilonə tɔɔmun Nabukodonosorə ə di lɛɛ laa, ə Safan mąnįn Gedaliasə Ahikamə lon ɉee di nwun na a di ɲąąwooɓomun.

Ɉeremi 40:7

Gɔ́laɠa nwun nąmįnąi tii kɛ di taɠa taɠa nɔi hu, da di wɔ nuą di bələ mɛ̨n diɛ kɛ, Ahikamə lon Gedaliasə ɓə Babilonə tɔɔmun ə ɉee, yɛ ɲɛ̨i kɛ nɔi ɓa, ə mą kɛ ɉinąą, nɛ̨ąą da nɛapɛlɛɛ, ɛlɛɛ, nɔi hu nuą taɠaa, diɛi hɛn və di yəi, di hvo li li a diɛ Babilonə, di di kəlee di kalihvaɓo mą.