Ɉeremi 40:14 - Yálá laawoo hɛɓɛ (dc)

¹⁴ Di mo Gedaliasə ɓa, diɛ mą: «Hvó ɉu kɔ́lɔn yɛ́ kɛ: Amɔn nuą di wɔ tɔɔmun Baalisə ə Netania lon Yismaɛlə tí, ə́ paa mɛ̨nį ɓa?» Kɛlaa Ahikamə lon Gedaliasə hvo gaa a tɛ̨ą.

Yálá laawoo hɛɓɛ

¹⁴ Di mo Gedaliasə ɓa, diɛ mą: «Hvó ɉu kɔ́lɔn yɛ́ kɛ: Amɔn nuą di wɔ tɔɔmun Baalisə ə Netania lon Yismaɛlə tí, ə́ paa mɛ̨nį ɓa?» Kɛlaa Ahikamə lon Gedaliasə hvo gaa a tɛ̨ą.

Bible

¹⁴ dîyɛɛi, “Í gɔ́lɔŋ a gɛɛ Amɔŋ Kaloŋ Baali aâ Isimɛ tɛɛ a gɛɛ é ípaa?” Kɛ́lɛ, Gidalia fé láa ní a díwoo.

Ɉeremi 40:14 Referans Kwoze

Ɉeremi 41:10

Mispa nuą yiiɠaai lɛɛ, Yismaɛlə ə li a diɛ luwɔlaa hu; dɔɔ kwəlii nɛ̨ą, da nuąi kpɔ kɛ nii Mispa; diɛi tii tɔɔmun mąąkpɛ nuą nwun nąmu Nebuzaradan ə di kalihvaɓo Ahikamə lon Gedaliasə ɓa. Netania lon Yismaɛlə ə li a diɛ luwɔlaa hu. Ə pənə yɛ li Amɔn nuą pɔ.

Ɉeremi 25:21

Edɔmə, Moabə, Amɔn nuą;

Mise 7:5

'Ka hvo laa ka kaayɔwɔ ta la, 'ka hvo ka kili lɛɛ ka ɓɛlamun da ɓa, ə mą kɛ nɛ̨ɛ̨nui laani ə́ kəŋə la ɲɛ̨i ɓa ɓə, ə́ hvaa woo yɛlɛ kɛ.

Ɉeremi 41:2

Netania lon Yismaɛlə da nu powi tii kɛ bɔ, di di muhəɠə nuą tɛɠii, di Ahikamə lon Gedaliasə paa a ɓɔwa kwɛa, nui tii Babilonə tɔɔmun ə ɉee, yɛ ɲɛ̨i kɛ nɔi ɓa. Bələ ɓə di baa la.

Ɉeremi 40:8

Yili ɓə gɛ nuą ŋɛ̨i diɛ pa Gedaliasə kaai Mispa, diɛ ɓaa kɛ: Netaniahu lon Yismaɛlə, da Karea lonnii Yohanan da Yonatan, Seraya Tanhumetə lon da Netofa mun Efayi lonnii, da Maaka mun lon Yezaniahu, nuąi tii da di yee pɔ nuą.

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Ɉeremi 40:13

Pai Karea lon Yohanan ə mo Mispa Gedaliasə pɔ, gɔ́kulaa nwun nąmįnąi kɛ di taɠa taɠa nɔi hu,

Ɉeremi 41:1

Ɲąnin mɛ̨ihveelɛnąą, Elisama lon Netania non Yismaɛlə, ŋɛ̨i kɛ a tɔɔmun ɉuwu, ə ɓo a tɔɔmun nwɔ kalanɉon gɛnɛ̨ ta; ə pa Ahikamə lon Gedaliasə pɔ Mispa, nu pow hvilɛnŋąą kɛ bɔ. Di lɛɛ kɔ̨nɔ̨n mįi da diɛni Mispa,