Ɉeremi 4:29 - Yálá laawoo hɛɓɛ (dc)

²⁹ Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Yálá laawoo hɛɓɛ

²⁹ Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Bible

²⁹ Tãi zòo mɛi-ƃelai da gbála pili-ƃelai díwoo a pâi tɛ̂i lai, núu kélee a pâi pûi. Díta-ni da pâi pûi dí lí ǹɔɔi su. Díta-ni dítɛ gɔni-ŋai sáma. Daa-ŋai kélee da pâi lɛɛ̂i a dípûŋ, ǹyaŋ núu da fa ŋɔ́nɔ sèe naa.

Ɉeremi 4:29 Referans Kwoze

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Lukə 23:30

Nąąlɔwai, nuą kaa pai kɛi yeeɠaa diɛ: ‹Ka pu ku mɛ̨i!›, diɛ kɛ yee kpu-kpuɠaa diɛ: ‹Ka ku loo!›

Amɔsə 9:1

Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

Ɉeremi 52:7

Di nɛ̨ɛ̨ mą, di wolo ɓɔ daa mąąkpɛɛ hįį ɓa, gɔ́ kɔ́ nuą kəlee di pu, di kulɔ taai a kwiihąą, bɛlɛ́ nwąną hveelɛ lɔwai kpon gɛɛnąą, tɔɔmun nwɔ nɔw yɛa kwɛlɛ, bələi mąn Kalde nuą daa kɛ daa mąątinɛn na daa doo gee hu. Di ɉon a Ɉurdɛn ɲa-ɓoloon bɔ pələ.

Azaya 30:17

Nu waa tɔ̨nɔ̨ kaa pai pui, diɛ ɲɔw nu tanɔ̨n gbən ɓa. Nu lɔɔli gbən kaa pai ka mąą ɲɔwi, ka kəlee kaa pu di tɔwɔ, nuąi da kulɔ ɉu, da kɛ lɔ kɛa yɛ kɛɛnąą lɛ hɛn tɔɔni yee tonna, di ɓo yɛ wulu kpiɛn da dɔɔ yee kpu kpu nwuɔ̨ yɛ pələ lɛ.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Samuɛlə dɔlɔɔ 13:6

Israɛlə nu di gaa diɛ gɔ́ aa kpɔlu, mąąhɔlɔɓo, daa kɛ hee di hu kɛnɛ̨. Nuą di kɛi di loo gwɛni woloɠaa hu, kɛɛnąą loɔɠaa, gwɛniɠaa lɔwai, da woloɠaa hu nɔi mu, da ɲá-lɔwaɠaa hu.

Azaya 6:12

Yai-Laa kaa pai nuą tɛɛi kwɛala, nɔi hu yɛɛ kɔwɔɠaa diɛ lɛɛ di kpɔɔ ɓa.

Ɉeremi 6:23

Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.