Ɉeremi 4:24 - Yálá laawoo hɛɓɛ (dc)

²⁴ Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Yálá laawoo hɛɓɛ

²⁴ Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Bible

²⁴ Ŋá ǹyée kpaya-kpayai ma kàa, dí kɛ̀ tùmo-tumo. Ǹyée pɛlɛ-pɛlɛɛi dia dí kɛ̀ túmo-tumoi, dí kɛ̀ lì dí kɛ̀ pà.

Ɉeremi 4:24 Referans Kwoze

Izikiɛ 38:20

Gboloyá hu hɔ̨ŋɔ̨leeɠaa, yələi nwɛ̨nįɠaa, da lɔwɔ huwɔɠaa, hɛn lɔpee a tala lɔi ɓa; lɔi mɛ̨i nukan gəlee kaa pai kɛi kpɛlin ɉii ɲɛ̨́i tɔ́wɔ́; yeeɠaa mąą kaa pai kɛi yɛɛi, kwɛniɠaa diɛ ɓuwɔ, pɛlɛ́ nwąnąɠaa kəlee diɛ pu.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Mise 1:4

Yeeɠaa diɛ həɠeen gɔwɔ mu. Yee lɔwai lɔiɠaa diɛ həɠeen, yɛ da nwɔ̨n ɉee kwɛ̨in gban ma. Yɛ da yá pu kɛɛnąą hviən ŋąą ɓa.

Mąątɛ̨nɛ̨ 97:4

Nwɔ mąnąmąnąɠaai daa yɛnɛ̨ɛ̨ mɛ̨i pɔ̨nɔ̨, lɔi ə nąą kaa, ɉu ə kpɛlin.

Mąątɛ̨nɛ̨ 18:7

Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Tɔɔɓɛlaa dɔlɔɔ 19:11

Yai-Laa nwɔ malaka yɛ Eli ɓa: «'Kulɔ ə́ li ə́ tɔɔ ɲee mɛ̨i, ə́ ə́ ɲɛ̨i kɛ Yai-Laa tɔwɔ, ə́ ə́ ɲɛ̨i hee Yai-Laa kaa pai tɛɛi.» Ɲąąɓa, tulɔ hvaŋą kɛnɛ̨ ta ə tɛɛ, vaŋa kɛnɛ̨ pələ, yɛ yee ɓɛla, yɛ kwɛniɠaa ɓɛla. Kɛlaa, Yai-Laa hvo kɛ vaŋąi tii hu. Vaŋąi tii tɛɛ pulu, lɔi ə kpɛlin kpɔ kɛnɛ̨, Yai-Laa hvo kɛ nɔi kpɛlin ŋąą tii hu.

Habakukə 3:10

Yeeɠaa da ə́ kaa, di mąą a kpɛlin. Tulɔ kpɛa kpɛa diɛ lɔi yɔwɔ. Yaɠaa kəlee di lee yɛ huluun, yɛ tɛ kpɔ yələ liiɓa.

Habakukə 3:6

A kpɛla a tɔɔ, lɔi yɛ kpɛlin A ɲɛ̨i hee lɔiɠaa diɛ, diɛ kpɛlin a ɲɔw. Yee kpɛa kpɛaai wɔlɔ kɛ laa, da ɓuwɔ, Ɲee kpu kpuɠaa diɛ taɠa, diɛ kɛ a pələlee.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Mąątɛ̨nɛ̨ 77:18

Tulɔ kpinįnŋaa di tulɔ pu, tulɔ yɛ duwɔ, ə́ wɔ mɛ̨ɛ̨kɔwɠaai diɛ kulɔ pələ kəlee.

M̀ɛni-lɛɛi 6:14

Yələkɔlɔn ə həɠə laa, yɛ da gɛi haɠa kpinįn gɛ, ɲeeɠaa da tín nɔiɠaa, di həɠə di tɔɔi,

Lɛɛ gbɔwɔ ɓa 19:18

Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Azaya 13:13

Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.

Azaya 24:20

Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.