Ɉeremi 4:15 - Yálá laawoo hɛɓɛ (dc)

¹⁵ Ə́ wə́li tɔɔ tai, di kaa loloɓoi yɛ həɠə Dan huwuhu, di kaa mɛ̨nį ɲąąnwąnąą pa mɛ̨nį hukulɔi, yɛ həɠə Ɛfraimə yee ɓa.

Yálá laawoo hɛɓɛ

¹⁵ Ə́ wə́li tɔɔ tai, di kaa loloɓoi yɛ həɠə Dan huwuhu, di kaa mɛ̨nį ɲąąnwąnąą pa mɛ̨nį hukulɔi, yɛ həɠə Ɛfraimə yee ɓa.

Bible

¹⁵ Kéla-ŋa díkùla Daŋ da Ifiraŋ ǹyée lɔii su dí kɛ̀ mò a gɛɛ mɛni kpɔ̂lu a pâi. Dí pà dí kɛ̀ m̀ɛnii ŋí duŋ tàa-taa.

Ɉeremi 4:15 Referans Kwoze

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Nwun mąąɓo 18:29

Di Laisə laa həɠə mą, di di nąn Dan laa hee mą, yai kɛ a Ɉakɔbə lon da.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Zasua 17:15

Ɉosue yɛ diɛ: «Akɛ ka kpulu kɛnɛ̨ɛi yɛ bələi ka ka moi la, ka li Perizi nuą da Refaitə nuą di wɔ lɔwɔi hu, ka nwɛlai tii mɛ̨i yali a ka wɔɔ; hvo gaai Ɛfraimə ɲee lɔi hvo kɛnɛ̨ li ka mąą mɛ̨nį ɓa.»

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.