Ɉeremi 4:14 - Yálá laawoo hɛɓɛ (dc)

¹⁴ Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Yálá laawoo hɛɓɛ

¹⁴ Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Bible

¹⁴ Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Ɉeremi 4:14 Referans Kwoze

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Korɛntə dɔlɔɔ 3:20

Ɛlɛɛ nwɔ̨nɔ̨: «Gu Námu Yálá ə kilimąą nuą di wɔ kiliŋąhiɛ kɔ́lɔn, gili kaa ɉu yɛ gaa a kpɛli.»

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Mąątɛ̨nɛ̨ 66:18

Əli kɛ kiliŋąhiɛ ɲɔ̨nwɔ̨ɔ̨ ɓə kɛ gwə́i, Nąmu hvəli kɛ nwəli tɔɔ nwóó ɓa.

Maafîu 12:33

«Wului nɛlɛɛ, ma lɛlɛɛi lɔ. Wului ɲɔ̨nwɔ̨ɔ̨, ma ɲɔ̨nwɔ̨ɔ̨i lɔ. Wulu kɔ́lɔn ɉɛn ɓaa a ma.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Mąątɛ̨nɛ̨ 119:113

Huhveelɛmun nwɛli kpɛɛi mą́ą́, Kɛlaa, ə́ wɔ tɔn nwooi wɛli kaa mą́ą́.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Ɉeremi 2:22

Ə mą kɛ yáá ə́ waa a kpolon kɔ́w, yɛ haahvinɛ lɔ yɛ́ ɓɔlɔɔ-ɓɔlɔɔ, ə́ wɔ túwɔ́ pələ ɲɔ̨n a lɛɛ lɔ yɛ́ ɲɛ̨i mu. Ɲą́ą́ Hɛn Gəlee Nąmu Yai-Laa nwóó li.

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Ɉeremi 17:1

Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Zakari 8:17

'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉaan 13:9

Simɔn Piɛrə yɛ mą: «Akɛ yili kaa tii, Ną́mu, gɔ́wɔ́ lɔ hvəə, kɛlaa, nwún da ɲééɠaa mąąwaa!»