Ɉeremi 4:10 - Yálá laawoo hɛɓɛ (dc)

¹⁰ Ya ɓə ŋį́ kɛ diɛ: «Ə́kə́! Hɛn Gəlee Nąmu Yálá! Akɛti, yáá kani nuą ŋɛ̨i ɓowo kɛnɛ̨-ee! Yáá Ɉerusalɛmə taa ɓowo, a ə́ woo kwɛlɛi ə́ mo mą, yɛ́ kɛ diɛ: ‹Ka kaa pai kɛi ka nɛɛ hu,› ya ɓə kɔ́ kɔ́ ɓɔwa kaa ku kwąnąai!»

Yálá laawoo hɛɓɛ

¹⁰ Ya ɓə ŋį́ kɛ diɛ: «Ə́kə́! Hɛn Gəlee Nąmu Yálá! Akɛti, yáá kani nuą ŋɛ̨i ɓowo kɛnɛ̨-ee! Yáá Ɉerusalɛmə taa ɓowo, a ə́ woo kwɛlɛi ə́ mo mą, yɛ́ kɛ diɛ: ‹Ka kaa pai kɛi ka nɛɛ hu,› ya ɓə kɔ́ kɔ́ ɓɔwa kaa ku kwąnąai!»

Bible

¹⁰ Nya ƃe ńyɛ̂ɛi, “Ŋ̀wála-wâla kélee Yâwɛɛ, í ínûai da Zerusâlɛŋ-ƃelai pɛ́lɛ. Í mò a gɛɛ lii-sêe a pâi kɛ̂i ǹɔii su kɛ́lɛ ǹyaa ká ŋí da nâa kɛ́ pâi kú paâi.”

Ɉeremi 4:10 Referans Kwoze

Ɉeremi 5:12

Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 1:26

Yili ɓə gɛ, Yálá ə ɓo diɛ, diɛ lɔ di kpɔɔ nwumɛ̨ mɛ̨nį hu. Di kpɔ-kpɔɔ nɛ̨ąąi ti, yii kɛ mąąnɛ̨ɛ̨ ə kɛ da di diɛni di lɔwai, da yili kɛi lɛɛ laa, diɛ gɛ di kee ni lɔwai.

Lomaŋ 1:24

Yili ɓə gɛ, Yálá ə di kwɛlɛ di wɔ ɓowo mɛ̨nįɠaa yee kɔn ma, diɛ nwumɛ̨ túwɔ ɓo di kee lɔwai.

Izikiɛ 11:13

Gɛ́ɛ́ Yálá kwəi mɛ̨nį ɓoi, Benaya lon Pelatiahu mukulaa ɓaa Yálá nwɔ nu nwun mąąɓoɔ, yili ə haa. Ŋą́ too nɔi ɓa níí ɓa, ŋą́ tomą, gɛ ma: «Ee kə Ną́mu Yálá, ə́ kaa bɔ ə́ Israɛlə nu gbəli paa li?»

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 8:11

Di kaa nwɔ́ nuą di wɔ mąąwɛli mɛ̨nį hali kɛi a hviikpɛɛ, diɛ kɛ diɛ: «Ka ka liilaa! Ka ka lilaa.»

Ɉeremi 6:14

Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Ɉeremi 4:18

Ɉerusalɛmə taa! Yá gaa yili kaa laai yɛ́, ə́ kulɔ ə́ túwɔ́ pələ da ə́ kɛ mɛ̨nįɠaa hu. Gbaloi tii aa ɓɛla yɛ́, yɛ́ ɉu mɔ̨nɔ̨ mį́i. Ə́ wɔ lii ɲɔ̨n gwəi laa mąą mɛ̨nį ɓə.

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Azaya 63:17

Yai-Laa, lə ɓə kɛ yaai, ya ku lɛɛ laa, kuɔ lia li ku nwun mą? Kuɔ ku mąą kwɛa ə́ wɔ pələɠaai diɛ? Ɛlɛɛ yɛ́ ku kili wala wala, hva mą kɛa ɲɔw yɛ́? Ə́ wɔ tínuąi mąą mɛ̨nį ɓa, 'pənə ə́ pa, nu kanŋaai a ə́ pɔɔ, 'pa di mąą mɛ̨nį ɓa.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Lɛɛ gbɔwɔ ɓa 9:14

Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Lɛɛ gbɔwɔ ɓa 5:22

Moisə ə pənə nwɔ̨nɔ̨, ə nwoo tɛ Yai-Laa ɓa, yɛ mą: «Ną́mu Yálá, lə mɛ̨nį ɓa ə́ mɛ̨nį nwąnąą laa nuąi ŋɛ̨i diɛ? Dɔ́ɔ́ mɛ̨nį nwun maa a lə?