Ɉeremi 39:4 - Yálá laawoo hɛɓɛ (dc)

⁴ Di kaai Ɉuda tɔɔmun Sedesiasə da gɔ́ kɔ́ nuą kəlee di mo, di pu di kulɔ daai kwii hąą, di tɛɛ a tɔɔmun yəi nɔw yɛa pələ, ɓɛi tii bɛlɛ́ nwąnąɠaa da di kee kaa laa gbon gwɛlɛ, di ɉaŋa a Ɉurdɛn ɲa-ɓoloon bɔ pələ.

Yálá laawoo hɛɓɛ

⁴ Di kaai Ɉuda tɔɔmun Sedesiasə da gɔ́ kɔ́ nuą kəlee di mo, di pu di kulɔ daai kwii hąą, di tɛɛ a tɔɔmun yəi nɔw yɛa pələ, ɓɛi tii bɛlɛ́ nwąnąɠaa da di kee kaa laa gbon gwɛlɛ, di ɉaŋa a Ɉurdɛn ɲa-ɓoloon bɔ pələ.

Bible

⁴ Tãi Gâloŋ Zɛdikaya da ŋɔkɔ-kuluƃa-ŋai dí m̀ɛnii ŋí naa kàa lai, dí kɛ̀ kɔ̂i a gɛɛ dí pú a gbínii dí kúla daai su. Nya ƃe dí tɛ̀ɛ a gâloŋ ŋɔpɛ́rɛi kɔlɛ pere dí tɛ́ɛ a ziɣãŋ lá-ƃerei pere nyíi kɛ̀ ziɣãŋ feerɛi loai dí pú dí lí diŋ-tiŋ su Zɔdiŋ Ya-leei ma pere.

Ɉeremi 39:4 Referans Kwoze

Amɔsə 2:14

Ə mą kɛ nui gɔwɔ mąą hulaa gilɛ həɠəi, hvo pai pɛlii mąą kilɛi. Nui kpɛli ɉu walawala, hva pɛli nwɔ huwalawala lɛi, ə ma kpɛli kɛ kɔ́kuláá walawala ɓə, nwun mąą hvo pai ɓoi.

Kɔlɔnikɔ Veerɛi 32:5

Ezekiasə ə tɔɔ kpɔ a nwąnąi, ɉį́i mɛ̨i tii kɛ buɔ, ə nąą tɔɔ, ə gɔ́ pɛlɛ́ɠaa tɔɔ, ə da tɔɔ ɉį́i pulu pənə. Ə Milo pɛli Davidə taa. Ə kpala tamąą pɛli da hə́mə́ tamąą.

Izikiɛ 12:12

Dɔɔmun tii di lɔwai, gaa pai tiɛ̨ laai galan ŋą; gaa pai kulɔi kwii hąą daa mąąkpɛ hį́i wolo ɓa pələ. Di gbɛa wolo ɓɔ laa, dɛɛ mɛ̨nį ɓa lɔ. Gaa pai həɠə pɛlɛi nwun mɛ̨i, hvo pa lee nɔi kaa a ɲɛ̨i kɔ́w.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Azaya 22:11

Kaa yá pui takpɛli pɛli ɉį́i hveelɛi lɔwai, a ɲa pui pɔlɔ pɔlɔ mąą hvalin. Kɛlaa nui a mɛ̨nį kəlee ɲɛ̨i kulɔ, ka hvo ka ɲɛ̨i hee li bɔ pələ, nui wɔlɔ aa pɛlɛ mɛ̨nįɠaai tii kəlee kɛɛ ɓa, ɉu aa kwɛa, ka hvo gaai.

Ɉeremi 32:4

Ɉuda tɔɔmun hvo pai kulɔi Kalde kɔ́kulááɠaa yəi, di kaa pai dɛɛi Babilonə tɔɔmun bɔ, da yaa diɛ pələ́ pili di kee ɓa nu ta hva kɛ di lɔwai.

Izikiɛ 12:4

Ə́ kaa pai yɛ́ tiɛ̨ɠaai kulɔi yɛ nui di kaa lííla luwɔlaa hu nwɔ tiɛ̨; hvóló ɲą, di ɲɛ̨i ɓa; ɛlɛɛ, yɛ́n, ə́ kaa pai kulɔi yələ wilii pɔ, di ɲɛ̨i ɓa, yɛ bələi kɔluwɔɠaa da kulɔ la taai.

Azaya 22:3

Ə́ wɔ kɔ́ ɲɛ̨itɔwɔ nuą kəlee daa pu, daa di hon a kɔluwɔɠaa, di hvo mąn kilɛn ɲąą lɔwa li diɛ, nuąi kpɔ di di kaa, di gəlee hon a kɔluwɔ, ya pa daa kɛ pu kpɔ daa li kwɛala.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Ɉeremi 32:5

Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»