Ɉeremi 38:18 - Yálá laawoo hɛɓɛ (dc)

¹⁸ Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Yálá laawoo hɛɓɛ

¹⁸ Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Bible

¹⁸ Kɛ́lɛ, à kɛ̀ ífe íkpîŋ tɛɛ ní Babelɔŋ-ŋai pɔ́, da pâi daai kêrenîi. Ífe pâi pûi díyêei.”

Ɉeremi 38:18 Referans Kwoze

Ɉeremi 38:3

Ɉeremi yɛ nwɔ̨nɔ̨ diɛ; Yai-Laa woo ka: «Yɛ daa ŋɛ̨i kaa pai tooi Babilonə tɔɔmun nwɔ kɔ́kulááɠaa yee ɲą di kaa kɔ́ pɛlɛi mą, di ɉon.»

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Ɉeremi 39:3

Babilonə tɔɔmun nwɔ kɔ́kuláá kpɛa kpɛaɠaa di pa di hee gwəli hąą ɓɔlɔ ɓa, Nɛrgalə-Sarɛsɛrə Sin-Magirə mun, Nebu-Sarsekimə yii a dɔɔ kwəlii nuą nwun nąmu, Nɛrgalə-Sarɛsɛrə gɔ́kulááɠaa kəlee nwun nąmu, da gɔ́kuláá takpɛliɠaai tii.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 37:8

Kalde nuą kaa pai pənəi di pa, di gɔ́ pɛlɛ daai ŋɛ̨i ɓa; di kaa pai ɉon ɉii, di gələn.

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?