Ɉeremi 38:14 - Yálá laawoo hɛɓɛ (dc)

¹⁴ Tɔɔmun Sedesiasə ə nu ta tɔɔ diɛ li Ɉeremi təlii, diɛ paa la Yálá hee pɛlɛ́ gbon ɉaaɓanąą laaləi. Tɔɔmun yɛ Ɉeremi ɓa: «Gáá ə́ mąąnin gɛi mɛ̨nį tɔ̨nɔ̨ ɓa, hvo mɛ̨nį ta loo mą́ą́.»

Yálá laawoo hɛɓɛ

¹⁴ Tɔɔmun Sedesiasə ə nu ta tɔɔ diɛ li Ɉeremi təlii, diɛ paa la Yálá hee pɛlɛ́ gbon ɉaaɓanąą laaləi. Tɔɔmun yɛ Ɉeremi ɓa: «Gáá ə́ mąąnin gɛi mɛ̨nį tɔ̨nɔ̨ ɓa, hvo mɛ̨nį ta loo mą́ą́.»

Bible

¹⁴ Ǹaa kɛ́ɛ tí, Gâloŋ Zɛdikaya é mò a gɛɛ dí lí a ńyãa Ŋ̀âla-pɛrɛ Kɛ́tɛi lá-ƃerei zaaƃa-ɣelêi lá. È mò ḿâ ǹyɛɛ, “Ŋa pâi ímarê kɛ̂i í zu-kula ḿî a tɔ̃yâ-pere.”

Ɉeremi 38:14 Referans Kwoze

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Tɔɔɓɛlaa dɔlɔɔ 22:16

Kɛlaa, tɔɔmun yɛ Mise ɓa: «Ə́ kaa bɔ ŋį́ kɛ yɛ́ ə́ kwɛla gee mɛ̨i yɛli Yai-Laa ɲɛ̨i ɓa, ə gɛ, ə́ tɛ̨ą ɓo mą́ą́?»

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Kɔlɔnikɔ Veerɛi 18:15

Tɔɔmun Akabə yɛ mą: «Ə́ kaa bɔ ŋį́ kɛ yɛ́ tɛ̨ąą ɓo mą́ą́, Yai-Laa laa hu gee mɛ̨i yɛli?»

Tɔɔɓɛlaa veelɛ 16:18

Asiri tɔɔmun mąą mɛ̨nį ɓa, ɲįmąn ŋɛ̨i di bɛli Yai-Laa yəi bɛlɛ́n diɛ kɛ naa ɓaa: túwɔ́ yələ; Akazə ə nąą kɛ pələ mąąhvalin, ə mą kɛ ɓɛi tɔɔmun a lɔ laa ɲɛnɛ̨ɛ̨ pələ.

Tɔɔɓɛlaa dɔlɔɔ 10:5

da kɔ̨nɔ̨n di kɛi ɉee nííla, ɲee pɔ nuą yii pɛlɛ́, ɲəi bɛlɛ́n gɔ̨nɔ̨n gɛ nuą kɛ pələ, da di mąą həɠəɠaa, nɔɔ mɛ̨nį ɲɛ̨i kulɔ nuą, haláái da gəlee kələn, yai ə kɛi gulɔ Yai-Laa yəi bɛlɛ́n, yili kəlee di nɛ̨ɛ̨nui tii, hvinnatɔn, hvo kpɛli pɛli vaa pələ kaai.

Ɉeremi 15:11

Yai-Laa yɛ mą: Gáá nwóó kwɛlɛi yɛ́, gɛ́ yɛ́ ə́ wɔ nu kpəlii pai lɛɛi, di kaa pai kɛi di nɛɛ hu. Gáá gwɛlai yɛ́, gɛ́ yɛ́, ə́ yowo kaa pai nɛɛmąą hvəi yɛ́, a mɔ̨nɔ̨ yələ da liihɛlɛn ɲələ.

Samia Veerɛi 14:18

Tɔɔmun yɛ nɛ̨ɛ̨nui tii ɓa: «Gáá ə́ mąąnin gɛ, hvo mɛ̨nį ta loo mą́ą́.» Nɛ̨ɛ̨nui tii yɛ mą: «Nwɔ́ mɛ̨nį Nąmu yii gaa ə́ kwəi, mo!»