Ɉeremi 37:7 - Yálá laawoo hɛɓɛ (dc)

⁷ yɛ mą; Yai-Laa Israɛlə nwɔ Yálái woo ka: «Ɉuda tɔɔmun ká tɔɔ mą́ą́nin kɛ mɛ̨nį ɓa, mɛ̨nįi ká líi moi mą, ya ka, ká kɛ mą: Eziptə tɔɔmun nwɔ kɔlaɠai tii həɠə Eziptə, yɛ pa ka mąąkpɔn mąąɓoi, gaa pai yalii bulu, yɛ pənə yɛ li Eziptə, ɓɛi ə həɠə laai.

Yálá laawoo hɛɓɛ

⁷ yɛ mą; Yai-Laa Israɛlə nwɔ Yálái woo ka: «Ɉuda tɔɔmun ká tɔɔ mą́ą́nin kɛ mɛ̨nį ɓa, mɛ̨nįi ká líi moi mą, ya ka, ká kɛ mą: Eziptə tɔɔmun nwɔ kɔlaɠai tii həɠə Eziptə, yɛ pa ka mąąkpɔn mąąɓoi, gaa pai yalii bulu, yɛ pənə yɛ li Eziptə, ɓɛi ə həɠə laai.

Bible

⁷ a gɛɛ ŋá mó Zɛdikaya ma ńyɛ̃ɛi, “Ize kɔ-kuluƃa-ŋai díkaa pâi a gɛɛ dí kpɔ́ŋ kâa. Kɛ́lɛ, da pâi lenêi pôlu.

Ɉeremi 37:7 Referans Kwoze

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Izikiɛ 17:17

Ə mą kɛ Faraɔn aa kpɔn mą a nwɔ kɔlaɠa hu kɛnɛ̨i, ɉu wala walai, yili hva mąą kɔ̨nwɔ̨ a gɔ́ kɔ́ yələ, a ɓɛlɔwai di kaa pai lɔwaɠaa tee la daa ɓa, diɛ kɔ́ pɛlɛ́ɠaa tɔɔ mą, diɛ nu kpulu kɛnɛ̨ paa.

Ɉeremi 37:3

Tɔɔmun Sedesiasə ə Selemia lon Yehukalə da Maaseya lon, ɉaláá laa həli mun, Sefaniahu di tɔɔ Yálá kwəi mɛ̨nį hukulɔ mun Ɉeremi pɔ, yɛ kɛ mą: «Nɛ̨ɛ̨ yɛ́, ku mąąnɛ̨ɛ̨mąą hvə Yai-Laa ku wɔ Yálái ɓa.»

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Tɔɔɓɛlaa veelɛ 22:18

Kɛlaa, Ɉuda tɔɔmun ŋɛ̨i ka tɔɔ mą́ą́ləngɛ mɛ̨nį ɓai, ka li kaa mą: Nwooi Yai-Laa Israɛlə nwɔ Yálá ə mo ya ka, yɛ diɛ: Nwooɠaa tii mɛ̨n ə́ mo, yii kpɔ aa ə́ lii kulɔ yɛ́, yɛ́ ə́ kpɔɔ mąą yɛɛ Yai-Laa ɲɛ̨i ɓa; nwoo ŋɛ̨i ŋą́ mo yɛ hvilɛn na nɔi ŋɛ̨i da ɉu nuą diɛ, gɛ́ kɛ diɛ: Gɛɛnaa ŋɛ̨i kaa pai lɛɛi a kɛɛnąą nɛ̨ŋɛ̨n nąą, da kɛɛnąą mąąwɛliɛ,

Izikiɛ 29:16

Hva kɛa kɛ a hɛn da di kilitɔɔ mą; yili ɓə kɛi gɛ Israɛlə nwɔ pɛlɛ́i yɛ ɲɛ̨i tinɛ̨n bɔ pələ, yɛ nɛ̨ŋɛ̨n ɉəɠə la ti; bələ ɓə da gili kɔ́lɔn na diɛ kɛ Yai-Laa ɓaa a ɲą́ą́.»

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Ɉeremi 2:18

Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Ɉeremi 2:37

Ə́ kaa pai kulɔi laa, ə́ yee laa ə́ nwuɔ̨ a nwumɛ̨. Mąąhɔlɔɓo, nuąi yáá ə́ kilitɔɔ diɛ, Yai-Laa tɛɠɛ ɓoɔi di hu. Bələ ɓə ɓáá a kulɔ la yɛ́.

Ɉeremi 21:1

Ɓɛlɔwai tɔɔmun Sedesiasə ə Malkiya lon Pasehurə, da ɉaláá laa həli mun Sefania, Maaseya lon dɔɔ la Ɉeremi pɔɔli, diɛ kɛ mą:

Ɉeremi 37:5

Nąąlɔwai Eziptə tɔɔmun nwɔ kɔlaɠai aa kɛ muhəɠə, yɛ pa. Kalde nuąi tii kɛ daa gɔ́ pɛlɛ Ɉerusalɛmə ɓa, bələ mɛ̨n di mo, diɛ gɔ́ aa həɠə Ɉerusalɛmə ɓa.

Ɉeremi 37:6

Yai-Laa woo ə həli gwəi mɛ̨nį hukulɔ mun Ɉeremi ɓa,

Woolaa 1:7

Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Izikiɛ 30:22

Yili ɓə gaa mą, Mɛ̨nį kəlee ŋą Hééɓomun Yálá woo ka, yɛ: Gáá pai kɔ́ pɛlɛi Eziptə tɔɔmun Faraɔn ɓa, gáá pai ɲeeɠaa yalii, ɲee yii tii ma a nɛlɛɛ, da yi tii ɲaliɛ a bɔlɔi; gɛ́ gɔ́ kɔ́ ɓɔwa kulɔ ɲəi gɛ́ doo.

Tɔɔɓɛlaa veelɛ 24:7

Eziptə tɔɔmun hvo kɛa kulɔ nwɔ lɔi hu, mąąhɔlɔɓo, nɔiɠaa kpɔ kɛ Eziptə tɔɔmun ɲee mu, Babilonə tɔɔmun ə gəlee həɠə ɲəi. Ə həɠə Eziptə ɲa lee ŋɛ̨i a Nilə mą, ə həli la Eufratə ya ɓa.

Azaya 30:7

Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Azaya 36:6

Ə́ kili hvo tii yáá dɔɔ Eziptə ɓai, a veen gbaɠa hu yali laa nɛ̨ɛ̨ tii! Nui lɔpee a tunwɔ̨n mą, a lɔ ɲee hu, yɛ ɉaɠa; bələ ɓə Faraɔn Eziptə tɔɔmun a gɛ la, a nui lɔpee a gilitɔɔmą.