Ɉeremi 37:2 - Yálá laawoo hɛɓɛ (dc)

² Kɛlaa, mɛ̨nįɠaai Yai-Laa ə kɛi bu gwəi mɛ̨nį hukulɔ mun Ɉeremi la yɛ mo, nu ta hvo kɛi nwəli tɔɔ mą. Yɛ ə kɛ a dɔɔmun, nwɔ tínuą, da nɔi nąmįną.

Yálá laawoo hɛɓɛ

² Kɛlaa, mɛ̨nįɠaai Yai-Laa ə kɛi bu gwəi mɛ̨nį hukulɔ mun Ɉeremi la yɛ mo, nu ta hvo kɛi nwəli tɔɔ mą. Yɛ ə kɛ a dɔɔmun, nwɔ tínuą, da nɔi nąmįną.

Bible

² Kɛ́lɛ Zɛdikaya, kpaa máŋ ŋɔtíi kɛ́-ƃelai da ǹûai kélee dífe díwoli tɔ̀ɔ ní ŋ̀orɛ̂-wooi ma Yâwɛɛ è dɛ̀ɛi.

Ɉeremi 37:2 Referans Kwoze

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Hanwon 29:12

Ɲɛ̨itɔwɔmun a nwəli tɔɔ lɛɛ wooɠaa diɛ, nwɔ kalanɉonŋąą kəlee da ɲɔ̨nwɔ̨.

Osia 12:10

Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Hanwon 26:6

Nui a kilikpɛɛgwəi mun gɛ a nwɔ wɛlɛɛ ɓomun, a gbɔwɔ tɔɔ kɔ́wɔ kulɔ mu, ə gbɔwɔ lɔ laanɔ̨nwɔ̨ hu.

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa dɔlɔɔ 14:18

Di noo, Israɛlə nuą kəlee di ɉaa mɛ̨nį kɛ, yɛ bələi Yai-Laa ə nɔ la nwɔ tímun Ahiya la yɛ mo.

Samia Veerɛi 12:25

Yai-Laa ə Natan tɔɔ Davidə pɔ ə mo mą, yɛ mą: «Nokoloi laa hee a Yedidya, mukulaa ɓaa: ‹nwɛli kaa Yai-Laa ɓa›, bələ ɓə Yai-Laa laa ə mo la.»

Samia Veerɛi 10:2

Ya ɓə Davidə a kɛ diɛ: «Hvo kɛli ŋą́ Nahasə lon Hanun hon a wɛlikɛmąąlaa, nąn nwɔ wɛlikɛmąąlaa mąą mɛ̨nį ɓa.» Davidə ə nuą tɔɔ Hanun pɔ, diɛ li gbəlaɓoi nąn ɉaa mɛ̨nį hu. Davidə nwɔ nuąi də li, di həli Amɔn nuą di wɔ lɔi hu.

Levetekɔ 8:36

Aarɔn da nonnii di Dɔ́n nwooɠaai tii kəlee hon, yii Yai-Laa ə mo Moisə ɓa, yɛ naa di nwuɔ̨.

Lɛɛ gbɔwɔ ɓa 4:13

Moisə yɛ mą: «Nąmu nɛ̨ɛ̨ Yɛ́, nu takpɛli tɔɔ ə mo Ə́ yəi, ɲą́ą́ hvəi.»

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Kɔlɔnikɔ Veerɛi 36:11

Sedesiasə kaa kwɛlan ə kɛ a kwɛlan bow hveelɛ kɔ́w tanɔ̨n ɓɛlɔwai ə kɛ la a tɔɔmun, ə tɔɔlaa kɛ a kwɛlan bow gɔw tanɔ̨n Ɉerusalɛmə.