Ɉeremi 35:2 - Yálá laawoo hɛɓɛ (dc)

² «'Li Rekavə nu huwu pɔ, ə́ di təli, di lɔ Yai-Laa hee pɛlɛ́ mu, bɛlɛ kɛnɛ̨ tɔ̨nɔ̨ mu; lɔɔ tɛɛ di pɔ di gbələ»

Yálá laawoo hɛɓɛ

² «'Li Rekavə nu huwu pɔ, ə́ di təli, di lɔ Yai-Laa hee pɛlɛ́ mu, bɛlɛ kɛnɛ̨ tɔ̨nɔ̨ mu; lɔɔ tɛɛ di pɔ di gbələ»

Bible

² “Lí Leka ŋɔsuui su-ƃelai pɔ́ naa í lóno dípɔ, í pá a dia Ŋ̀âla-pɛrɛ Kɛ́tɛi ŋɔlôŋpo-ŋai dɔnɔ su, í ŋwãai tɛɛ dípɔ.”

Ɉeremi 35:2 Referans Kwoze

Kɔlɔnikɔ Maa-ŋuŋ 2:55

ɛlɛɛ, da ɉɛɓɛ́ kɛ nuąi kɛ heeni Yaebɛsə, diɛ ɓaa Tirea nuą, Simeatə nuą, Suka nuą. Keni nwɔ pɛlɛ́i ka tii, diɛi kulɔ Hamatə huwu hu, Rekavə nwɔ pɛlɛ́i nąn.

Kɔlɔnikɔ Maa-ŋuŋ 9:26

Kɛlaa, nu nąąn ŋɛ̨i kɛ a di nwun nąmįną, di wɛi, di kɛ lɔ laa a yələ kəlee. Levi lonnii ɓə kɛ bɛlɛ́ mɛ̨nįɠaa nwun na, da ɉɛngɔw mɛ̨nį, Yálá nwɔ pɛlɛ́i mu.

Izikiɛ 40:16

Woloɠaa ɓɔɔ kɛ gulɔ-gbinmaɠaa diɛ, da bɛlɛ́ dɔɔmuɠaa; kwɛli hɔlɔɔnŋaa tɔɔi kɛ nwoloɠaai tii la, bɛlɛ́ bələ kəlee woloɠaa ɓɔɔ lɔ nwɔ̨nɔ̨ kɛ ɲiman bɛlɛ́ nwąną ɓa, doɔ gee hu. Bɛlɛ́ dɔɔmu kəlee mąąpuɔi kɛ a gwala laa.

Ɉeremi 35:8

Niɛwooɠaai tii ku kalaɓɔlɔ Yonadavə, Rekavə lon ə gɛ kuɔ, kwa kɛ gəlee kɛi, ku hvo ta lɔɔ kpələ li; kuɔ, ku nɛ̨ąni, ku lon ɉinąą da ku lon nɛ̨ąą.

Ɉeremi 35:4

Yálá nwɔ nu Yigdaliahu lon Hanan lonnii yəi bɛlɛ́n, bɛlɛi tii galanɉonŋaa di wɔ pɛlɛ́i kwɛlɛ, bɛlɛ́ laaləi mun Salumə lon Maaseyahu lon nwɔ pɛlɛ́i nwun mɛ̨i pələ.

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Ɛsdrasə 8:29

Ka ka ɲɛ̨i kɛ diɛ a nɛlɛɛ, ə lɛɛ ɉu ka həli la Ɉerusalɛmə, ka di kɔ́ɔn ɉaláá laa həli nuą nwun nąmįną lííla, da Levi huwuhu nuą, da Israɛlə bɛlɛ nąąməna, Ɉerusalɛmə, Yai-Laa yəi bɛlɛ́n.»

Kɔlɔnikɔ Veerɛi 31:11

Ezekiasə ə mo, di kɔ̨nɔ̨n gələɠaa tɔɔ Yai-Laa ŋą pɛlɛ́i laaləi. Yii kɛa di kpɛɛ la,

Kɔlɔnikɔ Veerɛi 3:9

Gbanwo hɛnŋąą di kɛ a kilə mɛ̨ida, a hɛni, ə hɛni hiɛ gbaan mą.

Kɔlɔnikɔ Maa-ŋuŋ 23:28

Diɛi tii, mąąnɛ̨ɛ̨ kɛ di kɛ Aarɔn lonnii yee mu, diɛ di tí Yai-Laa nwɔ pɛlɛ́i mu; yii hvilɛn na gwəli hąąiɠaa diɛ, bɛlɛ́ɠaa mu, ɉɛnŋąą naakwɛlanmoɔ, da Yálá nwɔ pɛlɛ́i mu kólo.

Kɔlɔnikɔ Maa-ŋuŋ 9:33

Levi lonnii kɛ nwələ too nuą pɔ, diɛ ɓo a pɛlɛ́ nąmįną, di kɛ di wɔɔ pɛlɛ́ɠaai mu, koló takpɛli hvó kɛ diɛ, ə kulɔ lɔ yii kɛ gbɔw laa di nwuɔ̨, diɛ gɛ a hvóló pɛlɛɛ kpįnį ɓa.

Tɔɔɓɛlaa dɔlɔɔ 6:10

Ə gulɔ-gbunma tɔɔ bɛlɛ́ ɓa, a yee laa mą lɔɔli; di gulɔ-gbunma da bɛlɛ́ nwąną di yee lɔ gee hu a kpitili wulu ɓɛla.

Tɔɔɓɛlaa dɔlɔɔ 6:8

Gulɔ-gbunmai ŋɛ̨i kɛ mu pələ, naaləi ə kɛ bɛlɛ́ mamįiyee hu pələ. Di mɛ̨nɛ̨ɠaa kɛ mą, yii nuą di kɛi tɛ mą, diɛ lɔ gulɔ-gbunma ɉąąi mu, ə mą kɛ ɉaaɓa kɛɛnąą mu.

Ɉeremi 35:3

Ŋą́ li ŋą́ Yaazania təli, Yimeyahu lon, da Havasinia mąnįn, da di kaayɔwɔɠaa kəlee, da di lonnii kəlee, Rekavə yəi gwəlii nuą kəlee; ŋį́ pa a diɛ Yálá hee pɛlɛ́ mu.

Kɔlɔnikɔ Maa-ŋuŋ 28:12

Mɛ̨nįɠaai kpɔ ə kɛli pa gɛi, yɛ hvilɛn na Yai-Laa yəi gwəlii ɓa, gulɔ-gbinma mɛ̨nįɠaa, Yálá yəi bɛlɛ́n ɉɛngɔwɠaa, da ɉaláá kulɔ hɛnŋąą, ə yili lɛ mą.