Ɉeremi 35:1 - Yálá laawoo hɛɓɛ (dc)

¹ Nwooi ŋɛ̨i ə həɠə Yai-Laa pɔ, yɛ həli Ɉeremi ɓa, Ɉuda tɔɔmun Ɉosiasə lon Yoyakimə nwɔ tɔɔlaa lɔwai, yɛ mą:

Yálá laawoo hɛɓɛ

¹ Nwooi ŋɛ̨i ə həɠə Yai-Laa pɔ, yɛ həli Ɉeremi ɓa, Ɉuda tɔɔmun Ɉosiasə lon Yoyakimə nwɔ tɔɔlaa lɔwai, yɛ mą:

Bible

¹ Tãi Zosaya ǹóŋ Zɛoakiŋ è kɛ̀ la a kâloŋ Zuda lɔii mɛi, Yâwɛɛ è lòno ḿbɔ ǹyɛɛi,

Ɉeremi 35:1 Referans Kwoze

Ɉeremi 25:1

Mɛ̨nįi di mo Ɉeremi ɓa, Ɉuda nuą kəlee laa mɛ̨i, Yoyakimə lon Ɉosiasə nwɔ tɔɔlaa gwɛlan nąąn nɔwai Ɉuda lɔi nwun na; nąąlɔwai Babilonə tɔɔmun Nabukodonosorə nwɔ tɔɔlaa gwɛlan dɔlɔɔ li kɛ, ya ka:

Ɉeremi 1:3

Yai-Laa ə da ɓo nwɔ̨nɔ̨ Ɉeremi ɓa a Ɉosiasə lon Yoyakimə Ɉuda tɔɔmun nwɔ yələ, ə lɛɛ kpɔ la ɉu, ə həli la Ɉosiasə lon Sedesiasə Ɉuda tɔɔmun nwɔ tɔɔlaa gwɛlan bow kɔ́w tɔ̨nɔ̨ laa kulɔi lɔwai, ə lɛɛ la ɉu, ɓɛlɔwai də li la a Ɉerusalɛmə nuą nuwɔ laa hu, a ɲąnin nɔɔli naa.

Tɔɔɓɛlaa veelɛ 23:35

Yoyakimə ə kɛi wali da hɛni di kulɔ a Nįįhɔ̨nwɔ̨ Eziptə tɔɔmun Neko ɓa yɛ bələi ə ɉuhvɛli la Yoyakimə ɓa. Bələi a tɛɛ la ə nwalii tii hɔlɔɓo, ə nąą nɔi nuą nwuɔ̨ diɛ gulɔ, nu tɛitɛi yɛ gulɔ yɛ bələi vaŋa a pɛli la mą.

Danîa 1:1

Yoyakimə ŋɛ̨i kɛ a Ɉuda nɔi tɔɔmun, nwɔ tɔɔlaa gwɛlan ɉaaɓa lɔwai, Nabukodonosorə Babilonə tɔɔmun, ə kɔ́ pɛlɛ Ɉerusalɛmə ɓa, ə mąątinɛ̨n.

Ɉeremi 46:2

Yii hvilɛn na Eziptə ɓa, nwɛi ka: Eziptə tɔɔmun Neko nwɔ kɔlaɠai ŋɛ̨i kɛ Eufratə ya kɛnɛ̨ kwɛlɛ Karkemisə taa tənən ma, ɓɛlɔwai Babilonə tɔɔmun Nabukodonosorə ə ɉon na kɔ́ hu, ə kɛ a Ɉuda tɔɔmun Yoyakimə, Ɉosiasə lon nwɔ tɔɔlaa gwɛlan nąąn nɔwai.

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Ɉeremi 36:9

Ɉosiasə lon Yoyakimə, yai kɛ a Ɉuda tɔɔmun, nwɔ tɔɔlaa gwɛlan nɔɔli naa, ɲąnin mɛ̨inąąn nɔwai, di Ɉerusalɛmə nuą da Ɉuda taaɠaa hu nuą kəlee təli Ɉerusalɛmə, hin nɔ mɛ̨nį ɓa Yai-Laa lííla.

Ɉeremi 36:1

Ɉuda tɔɔmun Yoyakimə Ɉosiasə lon, nwɔ tɔɔlaa gwɛlan nąąn nɔwai, Yai-Laa ə mɛ̨nį ɓo Ɉeremi ɓa, yɛ mą:

Ɉeremi 26:1

Ɉuda tɔɔmun Yoyakimə, Ɉosiasə lon nwɔ tɔɔlaa kɔ́wɔ tɔɔ lɔwai, nwooi ŋɛ̨i ɓə tɔɔ, yɛ həɠə Yai-Laa pɔ.

Tɔɔɓɛlaa veelɛ 23:34

Yili pulu, Eziptə tɔɔmun Neko ə Ɉosiasə lon Ɛliakimə hee a tɔɔmun a nąn mąąhvalin. Eziptə tɔɔmun Neko ə Ɛliakimə laa mąąhvalin a: Yoyakimə. Yii ɓaa Yoakazə nwɛi, aa kɛ doo gaho ŋą, ə lɛɛ gaho ŋą ə dɛɛ Eziptə lɔi hu, nąą ɓə ə haa laa.

Ɉeremi 27:20

Ɉɛnŋaai kpɔ Nabukodonosorə Babilonə tɔɔmun hvo di həɠə Ɉerusalɛmə, yɛ li a diɛ Babilonə, ɓɛlɔwai ə li la a Ɉuda tɔɔmun Yoyakimə lon Yekonia luwɔlaa hu, da Ɉuda ə lɛɛ da Ɉerusalɛmə nu kpɛa kpɛaɠaa kəlee.