Ɉeremi 34:7 - Yálá laawoo hɛɓɛ (dc)

⁷ Ɓɛlɔwai Babilonə tɔɔmun ə kɛi gɔ́ pɛlɛ la Ɉerusalɛmə taa ɓa, da Ɉuda taaɠaai kɛi tɔɔ na, yɛ bələi Lakisə da Azeka di kaa laa, mąąhɔlɔɓo, diɛ ɓə a Ɉuda taaɠaai di mąąkpɛ hįi ə kɛ diɛ; di hvo ni kɛ daa hveelɛi tii hon ni.

Yálá laawoo hɛɓɛ

⁷ Ɓɛlɔwai Babilonə tɔɔmun ə kɛi gɔ́ pɛlɛ la Ɉerusalɛmə taa ɓa, da Ɉuda taaɠaai kɛi tɔɔ na, yɛ bələi Lakisə da Azeka di kaa laa, mąąhɔlɔɓo, diɛ ɓə a Ɉuda taaɠaai di mąąkpɛ hįi ə kɛ diɛ; di hvo ni kɛ daa hveelɛi tii hon ni.

Bible

⁷ a tãi Babelɔŋ kaloŋ è kɔ́ pɛ̀lɛ la daa-lêei mai. Tãi tɔnɔi ŋí ƃé gɔ-kuluƃa-ŋai dí kɛ̀ máŋ kɔ̂i la Lakee taa-leei, da Azeka taa-leei pɔ́. Daa-lêe feerɛi ŋí dí kɛ̀ a daa-lêei nyíi-ŋai kɛ̀ a dímaa dínaŋɔɔ a siɣãŋ nyii-ŋai lɛ̀ɛ tɔɔ̂ni Zuda lɔii-kpiniŋ sui.

Ɉeremi 34:7 Referans Kwoze

Zasua 10:3

Ɉerusalɛmə tɔɔmun Adoni-Sedɛkə ə nuą tɔɔ Hebrɔn tɔɔmun Hohamə pɔɔli, da Yarmutə tɔɔmun Pireamə, da Lakisə tɔɔmun Yafia, da Ɛglɔn tɔɔmun Devirə, yɛ diɛ:

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Zasua 15:35

Yarmutə, Adulamə, Soko, Azeka,

Mise 1:13

Lakisə nɛ̨ɛ̨nu, ɉooɠaa kpulɔn nwotolo ɓa; nąą ɓə Siɔn nɛ̨ɛ̨gbɛla nwɔ nɛ̨ŋɛ̨n kpala ə tɔɔlaa. Mąąhɔlɔɓo, ə́ pɔɔli ɓə Israɛlə ə nwɔ kulɔ nwoo mu laa kɛ laa.

Ɉeremi 34:1

Ɓɛlɔwai Nabukodonosorə Babilonə tɔɔmun, nwɔ kɔlaɠai, da yɛnɛ̨ɛ̨ tɔɔɓɛlaai kpɔ nwɔ heeɓolaa ə kɛ di mɛ̨i, da nuąi daa kɛ kɔ́ pɛlɛ Ɉerusalɛmə ɓa, da gwɛlɛ taaɠaa kəlee, nwooi ŋɛ̨i ə həɠə Yai-Laa pɔ, yɛ həli Ɉeremi ɓa, yɛ kɛ mą:

Ɉeremi 11:12

Nąąlɔwai, ɉaliɠaa tii Ɉuda taaɠaa, da Ɉerusalɛmə taa, di kɛi ɉaláá hɛnŋaa kələn di lííla, di kaa pai lii di pɔ, diɛ di hvɛlii, kɛlaa, yiliɠaa di hvo pai pɛlii di kulɔi mąąwɛli mɛ̨nį tii hu.

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Kɔlɔnikɔ Veerɛi 27:4

Ə taa tamąą tɔɔ Ɉuda ɲee lɔiɠaa hu, ə kɔ́ pɛlɛ gbɛa-kpɛaa da bɛlɛɛ-pɛlɛɛɠaa tɔɔ nwɛlaɠaa hu.

Tɔɔɓɛlaa veelɛ 19:8

Yii kɛa gwɛli hɛn ɉəɠə mun ə bələ mɛ̨n, diɛ kɛ Asiri tɔɔmun aa kɛ həɠə Lakisə, ə pa ə gaa Livna, diɛ kɔ́ kɔ́.

Zasua 15:39

Lakisə, Bɔskatə, Ɛglɔn,

Zasua 12:11

Yarmutə tɔɔmun nu tɔ̨nɔ̨. Lakisə tɔɔmun nu tɔ̨nɔ̨.

Dutɛrɔnome 28:52

Di kaa pai heei ka wɔ taaɠaa kəlee ɓa a kɔ́. Ə lɛɛ ɉu ka wɔ lɔi hu hįį kpoloon ɲee muhəɠɛɛ kwɛa-kwɛaɠaa di pu; a diɛi tii ka kɛi ka kilitɔɔ diɛ. Da hee ka tɔwɔ a kɔ́, ka wɔ taaɠaa kəlee hu; ka wɔ lɔi kəlee hu, ɓɛi ŋɛ̨i Yai-Laa ka wɔ Yálái kaa dɛɛi ka pɔi.

Zasua 10:5

Amɔrə tɔɔɓɛlaa lɔɔlii tii diɛi a Ɉerusalɛmə tɔɔmun, Hebrɔn tɔɔmun, Yarmutə tɔɔmun, Lakisə tɔɔmun da Ɛglɔn tɔɔmun, di di ɲąąkpɔn, diɛ li da di wɔ kɔ́kulááɠaai kəlee, di Gabaɔn mąą tínɛ̨n a kɔ́, di kɔ́ pɛlɛ mą.

Tɔɔɓɛlaa veelɛ 14:19

Di nɔgilii kɛ mą Ɉerusalɛmə daa, ə pu ə li Lakisə, di nuą laŋąn mą Lakisə, di baa laa.

Azaya 36:2

Asiri tɔɔmun, ə lɛɛ Lakisə, ə nwɔ kɔ́kuláái gɛnɛ̨mun dɔɔ, tɔɔmun Ezekiasə pɔɔli Ɉerusalɛmə, da kɔlaɠa kpulu kɛnɛ̨. Ə pa, ə tɔɔ ɲá nwuɔ̨ pələ ya haɠai, ɉəɠə waa pələ kwɛlɛ.