Ɉeremi 34:20 - Yálá laawoo hɛɓɛ (dc)

²⁰ gáá di tooi di yowoɠaa yee kɔ́nma, nuąi di kaa bɔ di di paa, di yee kɔ́nma; di powa a lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Yálá laawoo hɛɓɛ

²⁰ gáá di tooi di yowoɠaa yee kɔ́nma, nuąi di kaa bɔ di di paa, di yee kɔ́nma; di powa a lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Bible

²⁰ Ŋa pâi dítɛɛ̂i díkpɔara-ƃelai pɔ́ nyii-ŋai ŋ̀wɛ̂lii dí dípaai a gɛɛ dí dípaa. À kɛ̀ tí, da pâi kɛ̂i a ŋɔni-ŋa da fɛnɛ-sãa kɔ́nɔ̃ŋ.

Ɉeremi 34:20 Referans Kwoze

Ɉeremi 7:33

Di kaa pai nu kpulu kɛnɛ̨ paai nuą ŋɛ̨i lɔwai, di lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n, ə lɛɛ nu hvo pai hɔlɔɓoi, yɛ di kpɛ.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Tɔɔɓɛlaa dɔlɔɔ 16:4

Baesa yəi bɛlɛ́n mun nɔpee pai haai taai, yilɛɠaa ɓə da bowa mįi, ɛlɛɛ, ɲəi bɛlɛ́n mun nɔpee pai haai kpomói, yələi nwɛ̨nįɠaa da bowa kpələ.»

Ɉeremi 22:25

A tɛ̨ą ŋį́ ə́ too nuąi di hvilɛn ŋąą ə́ wɔ yɛnɛ̨ɛ̨ pulu, di yee kɔ́nma; a diɛi tii ə́ kaa ɲɔwi diɛ. Babilonə tɔɔmun Nabukodonosorə da Kalde nuą.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Tɔɔɓɛlaa dɔlɔɔ 14:11

Ɉeroboamə yəi bɛlɛ́n mun lɔpee pai haai taai, yilɛɠaa kaa pai mįi, ɛlɛɛ, bɛlɛ́n mun lɔpee pai haai lɔwɔi, yələi nwɛ̨nįɠaa da mįi.› Yai-Laa woo li.»

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.

Samuɛlə dɔlɔɔ 17:44

Yɛ Davidə ɓa: «'Pa ɓɛ! Ŋą́ ə́ huwɔ tɛɛ yələi nwɛ̨niɠaa da lɔwɔ huwɔɠaa di pɔ.»

Izikiɛ 32:4

Gáá pai ə́ tɔɔi lɔi ɓa, ŋą́ ə́ pili kpomói, ŋą́ gə yələi nwɛ̨nįɠaa kəlee diɛ hee ə́ mɛ̨i, lɔwɔ huwɔɠaa kəlee diɛ pilɛ ə́ hu.

Izikiɛ 29:5

Gɛ́ ə́ pili nɔi pun ɉu, ka ə́ wɔ Nilə hu hɔ̨ŋɔ̨leeɠaa kəlee. Ə́ kaa pai tooi nɔi ɓa, tiiɠaa hu; yɛ́ taɠa-taɠa; ɛlɛɛ di ə́ yɛɠɛ, di hvá ə́ kpɔn ə́ gee ɓa; ŋį́ ə́ tɛɛ lɔwɔ huwɔɠaa da yələi nwɛ́niɠaa pɔ, a di kɔ̨nɔ̨n.

Ɉeremi 49:37

Elamə nuą da pa di yowoɠaa kaai, nuąi ŋɛ̨i di hvilɛnŋąą di wɔ yɛnɛ̨ɛ̨ pulu, di ɲɛ̨i a tɔɔ diɛ. Ɲą́ mąą kpɛlin doo di hu, nííholi pələ ɓa, ɲą́ą́ nwɔ́ liiholi kɛnɛ̨ɛ hu; ɲą́ą́ Yai-Laa nwóó li. Gáá kɔ́ hvilɛn ɉi Elamə pulu, əlɛɛ ɉu, ŋą́ di kpɛɛ yɛnɛ̨ɛ̨.

Ɉeremi 44:30

Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Dutɛrɔnome 28:26

Ka powa a lɛɛ a yələi nwɛ̨niɠaa da ka pɔ yɛa huwɔɠaa kɔ̨nɔ̨n; nu hvo pai hɔlɔɓoi yɛ di kpɛ.

Mąątɛ̨nɛ̨ 79:2

Daa ə́ wɔ tínuąi powa tɛɛ yələi nwɛ̨nįɠaa pɔ a di kɔ̨nɔ̨n, daa ə́ liiɓa nuą powa tɛɛ lɔwɔ huwɔɠaa pɔ.

Ɉeremi 12:9

Gwɛ́lin nɔi aa kɛ mɔ̨ɔ̨ yɛ nwɛ̨nįi nəɠa ɲɛ̨i tɔɔ, yaai, kɛɛ kala nwɛ̨nįɠaa daa tinɛ̨n mą nąą kəlee? «Ka lɔwɔ huwɔɠaa kəlee ɲąąkpɔn, di pa di ɓɛlɛhee kɔ̨nɔ̨n mį́i!»

Izikiɛ 23:28

Mąąhɔlɔɓo mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Gáá pai ə́ tooi nuąi ti di wɛli kpɛɛ yɛ́ di yəi ɲą; a diɛ ti ə́ yowolaa kulɔi a diɛ yɛ bələi ə́ kaa la bɔi.

Ɉeremi 39:6

Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.