Ɉeremi 33:21 - Yálá laawoo hɛɓɛ (dc)

²¹ akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Yálá laawoo hɛɓɛ

²¹ akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Bible

²¹ bere sîi tɔnɔi tí nɔ́ ƃé ŋá kpanaŋ-woo kɛ̀ la Deeƃé yêei a gɛɛ ŋɔsuui su nuu nɔ́ ƃé wɔ́lɔ pâi kɛ̂i a kâloŋ. Bere sîi ŋí nɔ́ ƃé ŋá kpanaŋ-woo kɛ̀ la ŋɔ́nɔ a gɛɛ sâla láa-soŋ-ƃela da pâi nɔ́ wɔ́lɔ kɛ̂i kulâi Liiva ŋɔsuui su. Ǹyaŋ da pâi kɛ̂i nɔ́ wɔ́lɔ tíi kɛ̂i ḿî. Gbanaŋ-woo-ŋai ŋí dífa wɔ́lɔ sìɣe dítɔɔ̂i.

Ɉeremi 33:21 Referans Kwoze

Mąątɛ̨nɛ̨ 89:34

Kɛlaa, vá nwóó kala mą; vá nwɔ́ mįnɛ̨i mąą kala.

Kɔlɔnikɔ Veerɛi 7:18

ŋį́ ə wɔɔ tɔɔkpəlin laa hɔn mo, yɛ bələi ŋį́ naakwɛlanmo la ə́ nąn Davidə ɓa, gɛ́ kɛ mą: ‹Ə́ kwəi lonnii di hvo pai kpɛɛi Israɛlə dɔɔkpəlin ɉu, a yələ kəlee mɛ̨nį.›

Kɔlɔnikɔ Veerɛi 21:7

Kɛlaa, Yai-Laa hvo kɛ bɔ, hvo Davidə nwɔ pɛlɛ́i pu, mįnɛ̨i da Davidə di ɉəɠə mąą mɛ̨nį ɓa, mįnɛ̨i tii kaa Davidə lonnii di wɔɔ; mąąhɔlɔɓo, Yálá ə mo yɛ, nwɔ̨n ŋɛ̨i aa ɉee laai, hvo pa luwun ɉii.

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Ɉeremi 33:18

Lévi huwu hu haláá laa həli mun və pai kpɛɛi laa, yɛ tɔɔ nííla, yɛ haláái da gəlee kələn, nulu tɛ; yɛ gɔ́ hɛnŋaa kələn. Yɛ ɉalááɠaa kulɔ a yələ kəlee.»

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Mąątɛ̨nɛ̨ 132:17

Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Mąątɛ̨nɛ̨ 89:36

Ŋą́ą́ gwɛla mą a yələ kəlee mɛ̨nį, a nwɔ́ mąąhəɠəlaa; vá Davidə ɓowo kpɔ tanɔ̨n kpɛli.

Azaya 66:22

Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.