Ɉeremi 33:17 - Yálá laawoo hɛɓɛ (dc)

¹⁷ Yai-Laa woo ka, yɛ diɛ: «Davidə huwu hu, nu hvo pai kpɛɛi laa yɛ hee Israɛlə nwɔ pɛlɛ́i dɔɔ kpəlin ɉu.

Yálá laawoo hɛɓɛ

¹⁷ Yai-Laa woo ka, yɛ diɛ: «Davidə huwu hu, nu hvo pai kpɛɛi laa yɛ hee Israɛlə nwɔ pɛlɛ́i dɔɔ kpəlin ɉu.

Bible

¹⁷ Ńyãa Yâwɛɛ, ŋá ŋ́gono tèe a gɛɛ Deeƃé ŋɔsuui su nuu nɔ́ ƃé wɔ́lɔ pâi kɛ̂i a kâloŋ Eezuɛ.

Ɉeremi 33:17 Referans Kwoze

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Tɔɔɓɛlaa dɔlɔɔ 8:25

Yiihu kɛa, Yai-Laa Israɛlə nwɔ Yálá, nwooi ə mo ną́n Davidə ɓa, bɔ mɛ̨nį kɛ; yai ə́ kɛ la mą: ‹Ə́ huwu hvo pai teei Israɛlə dɔɔkpəlin ɉu, akɛ da hiɛ ɲɛ̨i ɓa, yɛ bələi ə́ hiɛ la ɲɛ̨i ɓa.›

Ɉeremi 35:19

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Rekavə lon Yonadavə nwɔ nu hvo pai kpɛɛi nííla a yələ kəlee.›»

Kɔlɔnikɔ Maa-ŋuŋ 17:27

Yili ɓa, Yai-Laa, lúwɔ́ too Ə́ wɔ tímun nwɔ pɛlɛ́i ɓa, Ə́i ɲɛ̨i lɛlɛɛ hee mą a yələ kəlee. Hvó gaai, Ə́ wɛi, Yá lúwɔ́ too, ɛlɛɛ, Yɛ́ ɓə a lúwɔ́i, kpɛla bələi hvó mą!»

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Ɉeremi 17:25

ka gɛ tii, daa ŋɛ̨i hu kalanɉonŋaa, da tɔɔɓɛlaa, di kaa pai kɛi heei Davidə nwɔ kpəlin hu; diɛ tɛi wotoloɠaa hu, diɛ hee hooɠaa mɛ̨i, Ɉuda nɔi nuą, Ɉerusalɛmə nuą, da lɛɛ heeni nɔi ŋɛ̨i hu a yələ kəlee.

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Tɔɔɓɛlaa veelɛ 11:2

Kɛlaa Yohoseva yai kɛ a tɔɔmun Yoramə lon nɛ̨ɛ̨nu, ə mąąhulɔnu Akaziasə lon gbɛla mąą Ɉoasə həɠə tɔɔmun lonnii takpɛliɠaa lɔwai, ɓɛlɔwai di kɛi di paa la, ə Ɉoasə da ɲąąkɔn nɛ̨ɛ̨golo di loo pɛlɛ́ ta mu, diɛ noo Atali ɓa. Bələ ɓə Ɉoasə ə kulɔ la haa yəi.

Mąątɛ̨nɛ̨ 132:12

Ə́ lonnii da nwɔ́ mįnɛ̨i pɔ yíi ɓo, da dɔn nwooɠaai gáá pai nɛi diɛ, di lonnii kpɛli mąn, di kaa pai heei ə́ wɔ tɔɔkpəlin mɛ̨i ɲɛ̨n deei hvo mą.»