Ɉeremi 32:7 - Yálá laawoo hɛɓɛ (dc)

⁷ Ə́ kálá Salumə lon Hanameɛlə kaa pai pai, yɛ kɛ yɛ́: ‹Nwɔ́ tíi tii Anatotə, ɲá. Mąąhɔlɔɓo, bələi ɉɛnŋaa nwun mąąɓo tɔ́n gaa la gu yíi pələ hu, yɛ́ ɓə mąąnɛ̨ɛ̨ ə́ ɲa.›»

Yálá laawoo hɛɓɛ

⁷ Ə́ kálá Salumə lon Hanameɛlə kaa pai pai, yɛ kɛ yɛ́: ‹Nwɔ́ tíi tii Anatotə, ɲá. Mąąhɔlɔɓo, bələi ɉɛnŋaa nwun mąąɓo tɔ́n gaa la gu yíi pələ hu, yɛ́ ɓə mąąnɛ̨ɛ̨ ə́ ɲa.›»

Bible

⁷ a gɛɛ ŋ́gerâ Saluŋ ǹóŋ Anamɛ a pâi pâi é marê kɛ́ a gɛɛ ŋá ŋɔlɔii yá nyíi gáa Anatɔɔ-kpiniŋ sui. Anatɔɔ è kɛ Bɛŋsima kpiniŋ su. È kɛ̀ ǹɔii ŋí kɔlɛ̂i ma, kpɛ́ni fêi, ŋá kɛ̀ a ŋɔkáayɔɔ nyíi m̀aa nɛ̃ɛ̂i ŋá gɔ̂liŋ yá.

Ɉeremi 32:7 Referans Kwoze

Ɉeremi 1:1

Ɉeremi yai kɛ a Hilkiyahu lon ɉulɔnu, nwoo ka. Ɉeremi nąn Hilkiyahu ə kɛ a ɉaláá laa həli nuąi kɛ heeni Anatotə daai di ta; yii kɛ Bɛnɉamɛn nwɔ lɔi hu.

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Levetekɔ 25:25

«Kwələ a kɛ ə́ kaayɔwɔ ɓa, aa kpaan yɛ nwɔ lɔi ta tɔlaa hee, nui mąąnɛ̨ɛ̨ ə nɔi tii mąąɓo, ya ɓaa nɔi tɔlaa heemun gaayɔwɔ ta, yai da yaa di lɛɠɛɛi di kee ɓa; ya ɓə a pɛli nɔi ŋɛ̨i di dɔlaa hee mąąɓoi.

Tɔɔɓɛlaa dɔlɔɔ 14:5

Yai-Laa aa kɛ Ahiya ɓa: «Ɉeroboamə nɛ̨ą kaa bələ pɔ yɛ pa ə́ mąąnin kɛi, ɲɔ̨n non gaa gɛi mąą mɛ̨nį ɓa. Mɛ̨nį ə́ kaa pai moi mą, ya ka; a pa, gaa pai gbɔwɔ kɛi a nu takpɛli.»

Lonon mo 35:2

«'Mo Israɛlə lonnii diɛ, di di wɔ taaɠaai, da gwɛlɛ lɔiɠaa ta tɛɛ Levi lonnii pɔ, di hee ɉu.

Levetekɔ 25:49

Galá ta a wala kɛ tii ɲəi bɛlɛ́n mun da a pɛli ə nwun mąąɓo, yaa kpinįi ɲee a lɔ, a pɛli ə gbɔwɔ nwun mąąɓo.

Levetekɔ 25:34

Tíi a kɛ di wɔ taaɠaa tii kwɛlɛ, di hva dɔlaa hee; mąąhɔlɔɓo, di wɔ lɔi li a yələ kəlee.

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Ɉeremi 32:6

Mɛ̨nįi Ɉeremi ə mo ya ka, yɛ mą: «Yai-Laa ə mo mą́ą́, yɛ mą́ą́:

Ɉeremi 32:8

Bələi kpɔlɔɔ tii Yai-Laa ə mo la mą́ą́, bələ lɔ ɓə ə kɛ la; gálá lon ə pa, ə həli mą́ą́ tɔɔmun mą́ą́kpɛ kulááɠaa yəi gwəlii, yɛ mą́ą́: «Nwɔ́ tíi tii Anatotə, Bɛnɉamɛn nwɔ lɔi hu, ɲá. Mąąhɔlɔɓo, gu kaa bələ hu, da ɉɛnŋaa nwun mąąɓo tɔ́n nąą pələ, yɛ́ ɓə mąąnɛ̨ɛ̨ ə lɛɛ ə́ yəi, yili ɓa, ɲa kani. Ŋą́ gɔlɔn gɛ́ kɛ diɛ, Yai-Laa woo li.»

Levetekɔ 25:24

Yili mąą mɛ̨nį ɓa, nɔi ŋɛ̨i pai kɛi a ka wɔɔ, nu a da tɔlaa hee, mąąnɛ̨ɛ̨ dɔlaa heemun ə nɔi mąąɓo.