Ɉeremi 32:33 - Yálá laawoo hɛɓɛ (dc)

³³ Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Yálá laawoo hɛɓɛ

³³ Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Bible

³³ Dí díyee kùla ḿû, dí dípôlu tɔɔ ḿâ, dí díyee kúla ŋásɛŋ lɛ́ɛi mu, berei máŋ ŋá kɛ̀ nɔ́ sɛŋ lɛ̂i la dîai, dífe m̀aa kɔ́ri ní.

Ɉeremi 32:33 Referans Kwoze

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Ɉaan 8:2

Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 26:5

ká wala ká wəli tɔɔ nwɔ́ tínuą, da gwə́i mɛ̨nį hukulɔ nuą woo ɓa, diɛi ŋą́ kɛ di tɔɔ ká pɔɔli a yələ kəlee, ɛlɛɛ, yaan, ka hva kpɔ kɛ ka wəli tɔɔi diɛ.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Ɉeremi 18:17

Gáá pai di taɠai di yowoɠaa tɔwɔ yɛ hvaŋą, di wɔ mɔ̨nɔ̨ mį́i yələ, gɔ́n bulu ɓə di kaa pai gaai, ɲɛ̨ilaa loɔ diɛ.

Zôo 35:11

Yaai a gu kili tɛɛ huwɔɠaa di wɛi ɓa, yɛ nu kili tɛɛ yələi nwɛ̨nįɠaa diɛ?»

Ɉeremi 35:13

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ mą: Li, yɛ́ Ɉuda nuą da Ɉerusalɛmə nuą diɛ: Ka hva pɛli kɛ ka yee heei ka mąą kwɛli woo mu, kaa ka wəli tɔɔ nwóó ɓa? Yai-Laa woo li.

Izikiɛ 23:35

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Ɉeremi 7:28

Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.