Ɉeremi 32:31 - Yálá laawoo hɛɓɛ (dc)

³¹ Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Yálá laawoo hɛɓɛ

³¹ Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Bible

³¹ É síɣe kpɔ́ tãi ma da wɔ́lɔ daa-lêei ŋí tɔ́ɔ lai, ǹûai díkaa nɔ́ wɔ́lɔ ńii ŋwána mɛni kɛ̂i. Da gɛ́ ŋa ńii ŋwána dîa a ŋ̀ánaa dítua-pere nyɔ̂ŋ-ŋai mɛni ma. M̀ɛni ma, ŋa nâa gbɛtɛ a gɛɛ ŋá naa su-kara.

Ɉeremi 32:31 Referans Kwoze

Tɔɔɓɛlaa veelɛ 23:27

Yili ɓə gɛ Yai-Laa yɛ kɛ diɛ: «Ə mą kɛ Ɉuda lɔi ɓə, gaa pai di kulɔi ɲɛ̨i mu yɛ bələi ŋą́ gɛ la a Israɛlə lɔi. Ɉerusalɛmə taa kɛnɛ̨i ŋɛ̨i ŋą́ ɉəɠə ɉu a niiɓa taa, ŋą́ mąą kwɛa mą́ą́, ə mą kɛ bɛlɛ́i ŋɛ̨i ŋą́ náá hee mai.»

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Ɉeremi 27:10

Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Ɉeremi 23:39

Yili ɓa, gáá gbówo tooi a kaa, ŋį́ ka pili, ka həɠə ɲɛ̨́i mu; Kaa, ə mą kɛ daa ŋɛ̨i ŋį́ dɛɛ ka pɔ, ka ka nąnni.