Bib sou entènèt

Ɉeremi 32:19 - Yálá laawoo hɛɓɛ (dc)

¹⁹ Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Gade chapit la Kopi

Yálá laawoo hɛɓɛ

¹⁹ Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Gade chapit la Kopi

Bible

¹⁹ Ya mɛni kpɛ̂tɛ a táre pere, íkɛ mɛni kpaya-kpaya-ŋa kɛ̀. Ya núu kélee kpɔ́ kɛ́-mɛni kàa, íkɛ núu kélee féla fè dítûa-pere ma.

Gade chapit la Kopi

tounen moute ⬆

Ɉeremi 32:19
35 Referans Kwoze

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Azaya 28:29

Mɛ̨nįɠaai tii kəlee di həɠə Yai-Laa Mɛ̨nį Kəlee ŋą Hééɓomun pɔ, yai gaa a liɛwoo kɛmunn nɛlɛɛ, mɛ̨nį kəlee kɛ kpaɠala ə ɓo mą.

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Zôo 34:21

Mąąhɔlɔɓo, Yálá ɲɛ̨i kaa nu tɛitɛi kəlee mąąkpɛɛi, yɛ gɔwɔ hvilɛn ɉii tɛitɛi kəlee kaa,

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Ɉaan 5:29

Nuąi túwɔ́ pələ lɛlɛ kulɔ da nwun, diɛ yɛnɛ̨ɛ̨ kpɔkpɔɔ hɔlɔɓo. Nuąi túwɔ́ pələ ɲɔ̨n gulɔ, da nwun di kiti tee mɛ̨nį ɓa.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Azaya 40:13

Gbɛɛ ɓə Yai-Laa Kiliŋą pono, ɛlɛɛ, mɛ̨nįɠaai a di kili tee gwəi, yɛ di kɛmun nɛ mą?

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Tɔɔɓɛlaa dɔlɔɔ 8:32

Ee! Yai-Laa, lɛɛ yələkɔlɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ ə́ wɔ tínuą hutɔɔ, nui a ɉɔn gɛ, ə́ gala mą, a nwɔ nɛ̨ŋɛ̨n yɛɛi ya mo a nwun. Ɛlɛɛ, nui túwɔ́ a ɉaŋąą, nwɔ tələnmolaa ə kulɔ pɔ̨nɔ̨ŋą.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Zôo 34:11

Mąąhɔlɔɓo, nu túwɔ́ pələ ɓə a bɔɔ kulɔ mą, yɛ nu tɛitɛi hon, yɛ bɛli ɉiɛ pələ ɓa.

Hanwon 8:14

Ɲą́ą́ ɓə liɛwoo kaa ɲə́i da mɛ̨nį kɔ́lɔn ŋąą, ɲą́ą́ ɓə gáá a nwun gɛ ɉu, ɲą́ą́ ɓə Heeɓolaa kaa ɲə́i.

Ɉeremi 21:14

Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Danîa 2:45

Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Mąątɛ̨nɛ̨ 92:6

Ə́ kɛ mɛ̨nįɠaa kpɛa kpɛai tai, Yai-Laa! Ɛlɛɛ, ə́ kwəi kili kpon ɉukwɛa pələ, nu hva pɛli gɔlɔn ɉi.

Mąątɛ̨nɛ̨ 111:2

Yai-Laa kɛ mɛ̨nįɠaa ɲɛ̨i kɛnɛ̨ɛ̨ ɓə! Nuąi gɛ mɛ̨nįɠaa wɛli kaa diɛ, da ɲąą kaa.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Zakari 9:1

Lolo woo. Yai-Laa woo aa həli Hadrakə lɔi ɓa; ə kpɛla Damasə. Mąąhɔlɔɓo, Yai-Laa nwɔɔ ɓaa a Aramə nwɔ taaleei, lɔ yɛ bələi nwɔɔ ɓaa la a Israɛlə lɔi kəlee pilɛɛ gee mɛ̨i.

Swiv nou:

Lyen patwone

Piblisite

Piblisite