Ɉeremi 31:30 - Yálá laawoo hɛɓɛ (dc)

³⁰ Hvo pai kɛi tii, nu kəlee kaa pai haai gbɔwɔ kɛ nɛ̨ŋɛ̨n mąą mɛ̨nį hu, ɛlɛɛ, nui a wulu ɓa kpəlee mįi, mąą nu ɓə ɲįn ŋą a kponą.

Yálá laawoo hɛɓɛ

³⁰ Hvo pai kɛi tii, nu kəlee kaa pai haai gbɔwɔ kɛ nɛ̨ŋɛ̨n mąą mɛ̨nį hu, ɛlɛɛ, nui a wulu ɓa kpəlee mįi, mąą nu ɓə ɲįn ŋą a kponą.

Bible

³⁰ Kɛ́lɛ, ǹúui nyíi pâi kpɔmɔ-ƃa kponai miî, ǹyá ƃé ǹyíŋ-ŋa a pâi kponâi. M̀ɛni ma, núu kélee a pâi sâai gbîŋ sɔnyɔŋ mɛ̂ni ma.”

Ɉeremi 31:30 Referans Kwoze

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Galatə 6:5

Mąąhɔlɔɓo, nu kəlee tiɛ̨ kaa gbɔwɔ nwuɔ̨.

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Dutɛrɔnome 24:16

Di hvo lon gaa nąn baa non mąą mɛ̨nį hu, di hvo lon baa nąn mąą mɛ̨nį hu. Nu kəlee ə haa a gbɔwɔ nɛ̨ŋɛ̨n naa pɔɔ.

Izikiɛ 33:18

Tələnmomun a bulu tinɛ̨n nwɔ tələnmolaa ɓa, yɛ nɛ̨ŋɛ̨n ɉəɠə, a háá, yili mąą mɛ̨nį ɓa.

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Izikiɛ 33:13

Ŋą́ kɛ tələnmomun ma; ə́ kaa pai lɛɛi yɛnɛ̨ɛ̨, a gilitɔɔ nwɔ tələnmolaai tii ɓa yɛ nɛ̨ŋɛ̨n ɉəɠə, dəlimo túwɔi kpɔ wɔlɔ aa gɛ, da lɛ̨ą gəlee ɓa; mąą nu a haa nɛ̨ŋɛ̨n tii ə ɉəɠə mąą mɛ̨nį ɓa.

Izikiɛ 33:8

Ŋą́ kɛ nu ɲɔ̨nwɔ̨ɔ̨ ɓa, ə́ kaa pai haai, ɛlɛɛ yɛ́n, yá wala gilaa pono, hvo həɠə nwɔ túwɔ́ pələ ɲɔ̨n pulu, a haa a nwɔ túwɔ́ pələ ɲɔ̨n naa pɔɔ. Kɛlaa, yɛ́ ɓə ɲąmą wulu a lɛɛ ə́ nwuɔ̨.

Izikiɛ 3:24

Yálá nwɔ Kilii ə too ɉú, ə ɉáŋán ə dɔ́ɔ́; ə mo mą́ą́, yɛ mą́ą́: «'Lɔ́ ə́ yəi bɛlɛ́n, ə́ naa kpulu yɛ́;

Tɔɔɓɛlaa veelɛ 14:6

Kɛlaa, hvo nu paa nuąi tii lonnii paa yɛ bələi bɛ̨ɛ̨i la Moisə nwɔ tɔ́n ɉɛɓɛ́i hu, yai Yai-Laa ə kɛ la diɛ: «Maa hvo nɛ̨ɛ̨li, di hvo lon gaa nuą paa di lonnii laa hɔn ɉu, di hvo lon baa nąn naa hɔn ɉu; mąąnɛ̨ɛ̨, nu kəlee ə haa gbɔwɔ laa hɔn ɉu.»

Zôo 21:20

Diɛ kpinįi di ɲɛ̨i ə tɔɔ di hu kala mɛ̨nį hu, di Huwalawala Kəlee Nąmu nwɔ líiholii kɔ́ɔn di gaa.