Ɉeremi 31:3 - Yálá laawoo hɛɓɛ (dc)

³ Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Yálá laawoo hɛɓɛ

³ Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Bible

³ ŋá kula díŋɛi kwaa kôyaa ma. Káai a Eezuɛ-ƃelai, ká wɛ́li káa kpɔ́ ḿâ a ŋánaa. M̀ɛni ma, ḿve niî ŋáwɛli kɛ́-maai su-saa-ni ká mɛni ma.

Ɉeremi 31:3 Referans Kwoze

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Osia 11:4

Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Zɔ̂ŋ Maa-ŋuŋ 4:19

Gu wɛi, gwa nwɛlila kɛ gbala ə tɔɔ, Yaa ɓə gbɛa gu wɛlila kɛ tɔlɔɔ.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Lomaŋ 8:30

Nuąi ə di təli, ə gbɛa di həɠə ɉu, yiiɠaai ə di təli, ə di kɛ a tələnmo nuą, nuąi ə di kɛ a tələnmo nuą, ə mąąɲįnɛ̨n gɛ lɔ nwɔ̨nɔ̨ diɛ.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Dutɛrɔnome 10:15

Yaan, ka nąnni lɔ ɓə Yai-Laa ə kanąn diɛ, yɛ di wɛli la kɛ, ɛlɛɛ, haai di mo, di huwu lɔ ɓə ə ɉəɠə ɉu a niiɓa nu huwu, nu huwuɠaa kəlee lɔwai, ya ɓaa kaa; yɛ bələi gu kaa gaai la háákələi.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Osia 11:1

Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.

Lomaŋ 9:13

Yɛ bələi bɛ̨ɛ̨ la, yɛ diɛ: «Ŋą́ą́ Ɉakɔbə wɛli la kɛ, ŋą́ą́ dɛɛ Esau ɓa.»

Mąątɛ̨nɛ̨ 25:6

Yai-Laa, bələi yá kulɔla ə́ woo ɓa, yɛ́ nu ɲɛ̨imąąwɛlikaa, Ə́ kiliŋąhiɛ yili ɓa a yələ kəlee.

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Azaya 49:14

Siɔn ə kɛi kɛ diɛ: «Yai-Laa aa ɲee kulɔ mú, Ną́mu aa lɛ̨ą mą́ą́.»