Ɉeremi 31:22 - Yálá laawoo hɛɓɛ (dc)

²² Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Yálá laawoo hɛɓɛ

²² Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Bible

²² Tãi ɣɛɛlu ƃé ka pâi kɛ̂i kákɔŋ toôi lai, káai ŋí laa-laa fé káyêei? Ŋa sɛŋ da kpɛ̀tɛ nyíi gáa a nina, gɛ́ ƃò a da kpɛ́ni yɛ̂ɛ nɛnî a kɛ̀ surɔ̂ŋ mɛi kâai.”

Ɉeremi 31:22 Referans Kwoze

Ɉeremi 49:4

Ə́ kɛ mɛ̨nį heeni yee lɔwai, ə́ kaa ə́ kpɔɔ ɲąą kɛnɛ̨i yili hu, lə mɛ̨nį ɓa? Ə́ wɔ lɔi kaa a lɔi lɛlɛɛ, yɛ́i ɓaa halakpɛla, liihɛlɛn və yɛ́. Yɛ́i ə́ kilitɔɔi ə́ wɔ hɛn gɔwɠaa diɛ, yɛ́ kɛ diɛ: «Gbɛɛ ɓə a kɔ́ pɛlɛ mą́ą́?»

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Osia 8:5

Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Osia 4:16

A tɛ̨ą, Israɛlə aa kɛ̨ą, yɛ nįŋɛ̨ haa a kɛ̨ą, Yai-Laa a pɛli kɛa di hon bələ kɛi ləi, yɛ da kɛ a ɓɛlaa talaɠaai kpomói, diɛ di laa mįi.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Ɉeremi 3:22

'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Ɉeremi 2:23

Ə tɔɔi ɓa mį, yɛ́ kɛ diɛ: «Və́ kɛ gɔ́hɔɓo li Baalə haliɠaa pulu?» Ə ɲɛ̨i hee tai ɲee lɔwai yɛɛ kɔ́ɔɠaa hu, bələi ə́ túwɔ́ la, yɛ́ kpinįi ə́ gaa, ə́ hvaa mą! Ə kɛ pələ kaa yɛ hoo haa yii nwun ɉu hvo pɔ̨nɔ̨ li, yɛ gilɛ həɠə pələ kəlee,

Ɉeremi 2:18

Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Lonon mo 16:30

Kɛlaa, Yai-Laa a kpalo mɛ̨nį ta kɛ, lɔi ə naa ɓo, ə di kpələ diɛ da di yəi hɛnŋąą kəlee, di lɛɛ a di hvulú diɛ yɛɛ ɲąmuą-taa, ka kili a pu ɉu kaa kɛ nuąi ŋɛ̨i di tɛɠɛɓo Yai-Laa hu.»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Ɉeremi 3:4

Ə mą kɛ yiihu, ə́ liikpəlɛɛi lɔ yɛ́ kɛ mą́ą́: «Nán! Kɛlɛi yɛ́ lɔ ɓə a gbə́la hulɔnu;