Ɉeremi 31:16 - Yálá laawoo hɛɓɛ (dc)

¹⁶ Yai-Laa woo ka, yɛ diɛ: Nwoolaa woo aa pɛli ɉu, ka ka laapilɛ, ka ka ɲɛ̨i kələ, ə́ wɔ mɔ̨nɔ̨i vɛla ka; di kaa həɠəi di yowoɠaa pɔɔli diɛ pa. Yai-Laa woo li!

Yálá laawoo hɛɓɛ

¹⁶ Yai-Laa woo ka, yɛ diɛ: Nwoolaa woo aa pɛli ɉu, ka ka laapilɛ, ka ka ɲɛ̨i kələ, ə́ wɔ mɔ̨nɔ̨i vɛla ka; di kaa həɠəi di yowoɠaa pɔɔli diɛ pa. Yai-Laa woo li!

Bible

¹⁶ Kpera wɔ̂lɔi, í íŋɛi kɔ́ɔ. M̀ɛni-ŋai nyíi kélee í gɛ̀ ínîa-pɛlɛi dîɛi, ya pâi vela-fei sɔlɔ ƃôi. Da pâi lenêi pôlu díkula díkpɔara-ƃelai dílɔii su.

Ɉeremi 31:16 Referans Kwoze

Rutə 2:12

Gɛ́ Yai-Laa a Israɛlə nwɔ Yálá, yai ə́ pa ə́ mąąkilɛi vaŋąn mu, ə ə́ túwɔ́ pələi tii hvɛla kulɔ.»

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Kɔlɔnikɔ Veerɛi 15:7

Kɛlaa, ka wɛi, 'ka ká huwalawala, ka yee hu hvo haa, ka koló hvɛla kaa pai hɔlɔɓoi!»

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Azaya 30:19

A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Tɛsalonikə dɔlɔɔ 4:14

Yii kani gu laai na guɔ, Jesus ə haa, ə nwun, bələ lɔ ɓə gaa la, nuąi daa haa, Jesus mąą mɛ̨nį ɓa, Yálá kaa pai di nwun ɉii Jesus hu, ə pa a diɛ.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Zɛnɛse 43:31

Yii kɛa ə kpɛɛ a wɔlɔɔ, ə ɲɛ̨i waa, ə pənə ə pa, ə gɛ kpɔ a hulɔnu laa, ə nii kpələ, yɛ diɛ: «Ka gɔ̨nɔ̨nŋąą laa ɉɛnŋąą hu.»

Zɛnɛse 45:1

Nąąlɔwai, Ɉosɛfə yee hvo kɛa pɛli niiɓa, nuą tii kɛ laa gwɛlɛ, ə mo diɛ, yɛ diɛ: «Ka kulɔ!» Ɉosɛfə da niɛni diɛ tɔ̨nɔ̨ di lɛɛ kɛa bɛlɛ́n, ə gbɔwɔ lɛ diɛ.

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Izikiɛ 37:21

'Ə́ mo diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka; yɛ: Gáá pai Israɛlə kulɔi lɔiɠaa lɔwai, ɓɛɠaai daa li laa; ŋą́ di kpɔn di kee ɓa di wɔ lɔi hu.