Ɉeremi 31:11 - Yálá laawoo hɛɓɛ (dc)

¹¹ Ɉakɔbə kaa a Yai-Laa nwɔɔ, gaa nwun mąąɓoi, ə gulɔ ɲeetɛɛmąą mun ɲəi.

Yálá laawoo hɛɓɛ

¹¹ Ɉakɔbə kaa a Yai-Laa nwɔɔ, gaa nwun mąąɓoi, ə gulɔ ɲeetɛɛmąą mun ɲəi.

Bible

¹¹ Ŋá Eezuɛ-ƃelai ŋuŋ-maa ƃò, ŋá díkula lɔii-ŋuŋ wála-walaa yêi.

Ɉeremi 31:11 Referans Kwoze

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Azaya 49:24

Hɛn kɔ́kuláá a ɉəɠə da mɔ̨ɔ̨ pənə di gulɔ ɲəi? Nui tɔɔmun a ɉon a kɔluwɔ, da pɛli di gulɔ ɲəi?

Mąątɛ̨nɛ̨ 142:6

Gáá tómąi ə́ pɔ pələ, Yai-Laa! Gɛ́ diɛ: «Yɛ́ lɔ ɓaa mą́ą́kilɛi, yɛ́ lɔ ɓə, gwa yɛ́ gu tɔɔ nɔi ŋɛ̨i mɛ̨i!»

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Maafîu 22:29

Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Ɉeremi 50:33

Yai-Laa Mɛ̨nį Kəlee ŋą Hééɓomun nwoo ka, yɛ diɛ: Di kaa Israɛlə lonnii da Ɉuda nuą mɔ̨nɔ̨ ɓoi, di mɔ̨nɔ̨ ɓo nuą daa di hon, di hvo bɔ di hvo ɓo diɛ,

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Ɉeremi 50:34

Kɛlaa, Israɛlə mąąkɔ̨nwɔ̨ mun vaŋa kɛnɛ̨i; di mąąkɔ̨nwɔ̨ mun tii laa ɓaa: Yai-Laa Mɛ̨nį Kəlee ŋą Hééɓomun. Ya ɓə a di mąą mɛ̨nį ɲɛ̨i kulɔ, yɛ liilaa hee nɔi tin-tin; ɛlɛɛ, yɛ Babilonə nuą hu kpɛlin.

Zakari 9:16

Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Woolaa 3:58

Hɛn gəlee Nąmu! Yáá nį́i mąąkɔ̨nwɔ̨. Yáá nwɔ́ yɛnɛ̨ɛ̨ nwun mąąɓo.