Ɉeremi 30:20 - Yálá laawoo hɛɓɛ (dc)

²⁰ Nonnii mąą kaa pai wiɛi, yɛ bələi di kɛ la tɔlɔɔ. Nwɔ ɲąąkpɔnŋaai ə ɓo heeni nííla kpɔ tin tín, ɛlɛɛ gɛ́ hee mɔ̨nɔ̨ ɓo nuą kəlee hu.

Yálá laawoo hɛɓɛ

²⁰ Nonnii mąą kaa pai wiɛi, yɛ bələi di kɛ la tɔlɔɔ. Nwɔ ɲąąkpɔnŋaai ə ɓo heeni nííla kpɔ tin tín, ɛlɛɛ gɛ́ hee mɔ̨nɔ̨ ɓo nuą kəlee hu.

Bible

²⁰ Ŋa pâi dínîa-pɛlɛɛi kɛ̂i yɛ̂ɛ dínâŋ pɔlɔ-ŋai dí tãi. Ŋa pâi dí kɛ̂i a wála-wala-ƃela ŋ́ɛi-tuɛ. Ǹɔii-ŋuŋ-ŋai nyíi-ŋai mɛni ŋánaa làa dîai, ŋa pâi díkula maa kɛ̂i.

Ɉeremi 30:20 Referans Kwoze

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Ɉeremi 2:3

Israɛlə lonnii di kɛ a Yai-Laa nwɔɔ, dɔɔ a dee; yɛ hihɛn ma dɔlɔɔ-tɔlɔɔ. Nui lɔpee kɛ a tunwɔ̨n mą, mąą nu a ɉu mɔ̨nɔ̨ mį́i; mɛ̨nį ɲąąnwąnąą ə kɛi laa mąą nu ɓa. Ɲą́ą́ Yai-Laa nwóó li.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Mąątɛ̨nɛ̨ 102:28

Ə́ kɛ pələ laa lɔ ɓaa a Ə́ kɛ pələ, kpɛɛ hvo ə́ wɔ kwɛlanŋaa diɛ.

Mąątɛ̨nɛ̨ 102:18

A ɲələi ti gaa pai ɲɛ̨i tinɛn ɉi la nuą daa too, di pɔ pələ, di wɔ hvɛli wooi pɔ pələi, gaa pai ɲee heei di wɔ hvɛli wooi mu, hvo kɛa pai di pilii.

Ɉeremi 30:16

Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Zakari 8:5

Lɛapɛlɛɛ diɛ gɛ lɔ daa kwəi ɉuwu-ɉuwu, hilɛlɛa, da nɛ̨ɛ̨lɛa, diɛ pələ kɛ gwəli hɛ̨ąiɠaa.

Zakari 10:8

Gáá pai húú pili, gɛ́ di ɲąąkpɔn, hvo gaai, ŋą́ą́ di nwun mąąɓo. Di kaa pai ɓuwuɓoi, yɛ tɔlɔɔ-tɔlɔɔ yələ.

Woolaa 5:21

Yai-Laa! Pələ laa ɓo ku tɔwɔ, ku pa ə́ pɔ. Pənə ə́ kuɔ yɛnɛ̨ɛ̨i pu nįnɛ̨ kɔ́lɔi, yɛ bələi ə kɛ la a tɔlɔɔ-tɔlɔɔ yələ.

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.