Ɉeremi 30:17 - Yálá laawoo hɛɓɛ (dc)

¹⁷ Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Yálá laawoo hɛɓɛ

¹⁷ Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Bible

¹⁷ Kákpɔara-ƃelai dí mò dîyɛɛ, ‘Káfe sɛŋ su, núu da fé kpáaŋ ní ká maa mɛ̂ni ma.’ Kɛ́lɛ ńyãa Yâwɛɛ ŋa môi a gɛɛ. Ŋa pâi kákɔlɔ̂i ponôi, ŋá kápalai sále. Ńyãa Yâwɛɛ ƃó tí.”

Ɉeremi 30:17 Referans Kwoze

Mąątɛ̨nɛ̨ 107:20

Ə nwoo tɛɛ, yɛ di hali kɛ, yɛ di kulɔ kámą yəi.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Mąątɛ̨nɛ̨ 23:3

Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

M̀ɛni-lɛɛi 22:2

Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Ɉeremi 30:13

Nu ta hvo ə́ mąą mɛ̨nį niihɛlɛn ɉeei, ə́ wɔ palai mąą mɛ̨nį hu. Hali hvo laa di hvo bu ŋą.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Ɉeremi 3:22

'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Ɉeremi 33:24

«Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Izikiɛ 35:12

Nąąlɔwai, yá gili kɔ́lɔn yɛ́ ɲą́ą́ ɓə gáá a Yai-Laa, ɛlɛɛ, nalanŋaai kpɔ ə́ bili a Israɛlə yeeɠaa ŋą́ gəlee mɛ̨n; ɓɛlɔwai ə́ kɛ la diɛ; nąą aa lɛɛ a lɔi pun, aa lɛɛ a ku kɔ̨nɔ̨n.

Izikiɛ 36:20

Də li a nwɔ́ nu huwui lɔiɠaa hu, ɛlɛɛ, di náá mąąhəɠɛɛ; kala laa. Mąąhɔlɔɓo, di kɛi mo a di laa, diɛ kɛ: ‹Yai-Laa nwɔ nu huwui ka, kɛlaa, di hvo di wɔ lɔi hu.›

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 58:8

Ya gɛ tii, ə́ wɔ kɛɛ pɔ̨nɔ̨i a ɓɛla yɛ yələ ɓɔɔ nįnɛ̨, ɛlɛɛ, yɛ́ pu ə́ nįnɛ̨ kɔ́lɔi a mąą hulaa, ə́ wɔ tələnmolaa kaa pai kɛ hiɛi ə́ ɲɛ̨i tɔwɔ, Yai-Laa nwɔ mąąwiɛ yɛ ə́ mąą kpɛ ə́ pulu pələ.

Azaya 60:15

Yɛ́i tii kɛ daa ɓo yɛ́, daa ə́ too, ə́ wɛli kpɛɛ nuą diɛ, nu hvo kɛ yɛ́, gáá pai ə́ kɛi a ɲɛ̨i pɔ̨nɔ̨ hɛn, yələ kəlee mɛ̨nį, ŋį́ ə́ kɛ a kwɛlan gəlee nwɔ kwəinɛ̨ɛ̨.

Ɉeremi 17:14

Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Osia 11:3

Ya pa ɲą́ą́ ɓə Ɛfraimə mąąkwɛli hiɛ ɓoɔ ɓa, gɛ́ ɉon a ɲee, kɛlaa, di hvo gɔlɔn ni diɛ kɛ ɲą́ą́ ɓə di mąą mɛ̨nį kaa mą́ą́.

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Azaya 54:6

Mąąhɔlɔɓo, ə́ kaa yɛ nɛ̨ɛ̨nui nu hvo mą, mąąwɛliɛ, Yai-Laa kaa pənəi yɛ ə́ təli, yɛ kɛ diɛ: «Nu hva pɛli gili kulɔi nąŋą yələ nɛ̨ɛ̨nu hu.»

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Ɉeremi 10:20

Daa nwɔ pɛlɛ́i pu, daa bɛlɛ hɔlɔɔn gəlee kulɔ, nónnii-o nwɔ́ taatɛlɛɛɠaai-o, dɔ̨nɔ̨ kpɛli hvo kɛa laa; nu hvo mą́ą́, hvo nwɔ́ pɛlɛ́i tɔɔ; hvo nwɔ taa kɔ́wɔ hvilɛn!