Ɉeremi 30:16 - Yálá laawoo hɛɓɛ (dc)

¹⁶ Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Yálá laawoo hɛɓɛ

¹⁶ Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Bible

¹⁶ Kɛ́lɛ ǹɔii-ŋuŋ-ŋai nyíi-ŋai ká paâi, ŋa pâi dípaâi. Kákpɔara-ƃelai dia máŋ da pâi kɛ̂i a kɔ-sôŋ-ŋa lɔii-ŋuŋ da kpɛ́ni-ŋa su. Diai nyíi kélee ŋúma kɛ̀ kâai, dia máŋ núu da a pâi dísãai ŋûmai. Diai nyíi kélee sãâ kùla káyêei kɔ́-sui, nûa da pâi díwɔ̂i kulâi díyêei máŋ.

Ɉeremi 30:16 Referans Kwoze

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

Zakari 12:2

Gáá pai Ɉerusalɛmə kɛi a lɔɔ gbąmą, yɛ gwɛlɛ lɔiɠaa kəlee kɛlɛ. Ɉuda kaa lɔ pai kɛi tii, a ɓɛlɔwai di kaa pai kɛi kɔ́ pɛlɛi la Ɉerusalɛmə ɓa.

Azaya 14:2

Lɔiɠaa kaa pai di yee heei Ɉakɔbə nwɔ pɛlɛ́i mu, diɛ pənə diɛ li a diɛ di kaa lɔi hu. Israɛlə nwɔ pɛlɛ́i kaa pai Yai-Laa nwɔ lɔi hɔlɔɓoi a nwɔɔ, di nwɛ̨ąą tii kɛ a di nwɔ luwɔ nɛ̨ą da luwɔ hinąą; a diɛi tii di kɛ di yəi luwɔlaa hui; Ɉakɔbə a pənə ə nuąi tii kɛ a di wɔ luwɔɠaa, ə hee nuąi kɛi di mɔ̨nɔ̨ ɓo di mɛ̨i.

Mąątɛ̨nɛ̨ 129:5

Nwumɛ̨ ə gəlee ɲɛ̨i paa! Nuąi kpɔ da wɛlikpɛɛmąąlaa kulɔ a Siɔn, di li a di pulu pələ.

Sofoni 2:8

Yai-Laa yɛ diɛ: Nalan Moabə ə bili, aa too nwə́lii. Ɛlɛɛ, nwoo ɲɔ̨n Amɔn lonnii di ɉaa nwɔ nu huwui ɓa, a nalan di bili aa nwąną mąą; a lɔi di mo Israɛlə nwɔ lɔi hu.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Nahumə 1:8

Ə mą kɛ ya hvɛɛ kaa tɛɛi, a daa kɔ́wɔ hvilɛn ɉɛnŋąą kulɔ, yɛ ɲowoɠaa pili kpinį hu.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Izikiɛ 29:6

«A mąą yələ Eziptə nuą kəlee da gili kɔ́lɔn, diɛ kɛ Yai-Laa ɓaa a ɲą́ą́; a diɛi tii kɛ a hveen gbaɠa, Israɛlə nwɔ pɛlɛ́i yɛ gilitɔɔ mą.

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Ɉeremi 2:3

Israɛlə lonnii di kɛ a Yai-Laa nwɔɔ, dɔɔ a dee; yɛ hihɛn ma dɔlɔɔ-tɔlɔɔ. Nui lɔpee kɛ a tunwɔ̨n mą, mąą nu a ɉu mɔ̨nɔ̨ mį́i; mɛ̨nį ɲąąnwąnąą ə kɛi laa mąą nu ɓa. Ɲą́ą́ Yai-Laa nwóó li.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 54:15

Di kaa ɲaba lɔi, diɛ lɔ gilii kɛ ə́ laa ɓa, ɲą́ą́ hvəi di tɔɔ la. Nui a lɔ ə́ kilii, a too ə́ ɲɛ̨i ɓa.

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.

Zakari 1:14

Malakai kɛi mɛ̨nį ɓo mą́ą́, yɛ mą́ą́: «'Mo a lolo, yɛ diɛ: Yai-Laa Mɛ̨nį Kəlee ŋą Hééɓomun, woo ka: Gáá tóló kɛnɛ̨ kulɔi Ɉerusalɛmə da Siɔn di mɛ̨i.

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Ɉeremi 25:12

«Gwɛlan bow mɛ̨ihveelɛi tii a tɛɛ, ŋį́ hee Babilonə tɔɔmun ɉu, di wɔ túwɔ́ pələ ɲɔ̨n mąą mɛ̨nį ɓa. Ŋą́ hee Kalde lɔi hu. Ɲą́ą́ Yai-Laa nwóó li! Ŋą́ nąą mąą pənə a lɔi pun a yələ kəlee.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Ɉeremi 30:15

Gbóó ɓə tii ə́ kaa dəlii ə́ kala mɛ̨nį hui? Ə́ wɔ palai ɉalə hva pɛli kɛi. Ə wɔ piɛn doo mɛ̨nį tamąą laa pɔɔ, da ə́ wɔ nɛ̨ŋɛ̨nŋaai pui gee mɛ̨i di laa pɔɔ ɓə gɛi, gɛ́ mɛ̨nįi tii laa la yɛ́.

Dutɛrɔnome 30:7

Mɛ̨nįɠaa kpɔ Yai-Laa ka wɔ Yálái ə mo, yɛ hvilɛn na ka yowoɠaa diɛ, diɛi kɛ di hvilɛn ŋąą ka pulu a yowo laa kɛnɛ̨, Yai-Laa ka wɔ Yálá a mɛ̨nįɠaa tii kəlee pɔ mɛ̨nį kɛ.

Samuɛlə dɔlɔɔ 17:53

Israɛlə nuą di di kpɛ kpɔ a di nwąnąi, yili pulu, di pənə di pa di too Filisti nuą yəi hɛnŋaa hu ɓɛi di kɛ laa.

Hanwon 22:23

Mąąhɔlɔɓo, Yai-Laa a nuą tii mąąkɔ̨nwɔ̨, nuąi da hɛn gulɔ di yəi, Yai-Laa yaa kpɛli a hɛn gulɔ mąą nuą yəi.

Woolaa 1:22

Gɛ́ di kɛ mɛ̨niɠaa kəlee, di too pɔ̨nɔ̨ŋa ə́ ɲɛ̨i, ə́ ə́ kɛ mɛ̨ni kɛ ɉu, yɛ bələi kpɔlɔɔ ə́ ɉɔn na nwɔ́ túwɔ́ pələ ɲɔ̨nŋaa mąą mɛ̨ni ɓa. Mąąhɔlɔɓo ɲíŋɛ̨ woo kɔ́lɔ hvo haai mą, ɛlɛɛ, níí yɛ ɲɔ̨n gɛ.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Zakari 2:12

Yai-Laa Mɛ̨nį Kəlee ŋą Hééɓomun woo li, Ya ɓə dɔ́ɔ́ a nwɔ heeɓolaa, nɔiɠaai tii too ka mɛ̨i di mąą mɛ̨nį ɓa. Nui lɔpee a tunwɔ̨n kaa, aa tunwɔ̨n ɲɛ̨́ilon ma.