Ɉeremi 29:9 - Yálá laawoo hɛɓɛ (dc)

⁹ Ɲą́ą́ Yai-Laa nwóó ka, gɛ́ diɛ: Lɛɛ mɛ̨nį ka tii di kaa moi a náá, və́ di tɔɔ li la.

Yálá laawoo hɛɓɛ

⁹ Ɲą́ą́ Yai-Laa nwóó ka, gɛ́ diɛ: Lɛɛ mɛ̨nį ka tii di kaa moi a náá, və́ di tɔɔ li la.

Bible

⁹ Díkaa lɛ́ɛ kɛ̂i a ńaa. Ḿve dí tɛɛ ní. Ńyãa Yâwɛɛ, ńyãa ƃé mò tí.”

Ɉeremi 29:9 Referans Kwoze

Ɉeremi 27:15

Yai-Laa yɛi: ‹Ɲą́ą́ hvəi di tɛɛ li, mɛ̨nįi di kaa moi a náá, lɛɛ li. Yili mąą mɛ̨nį ɓa, gáá pai ka taɠa taɠai, ɛlɛɛ, káá haa, káá mąn, da nuąi mąn, ká wɔ Yálá kwəi mɛ̨nį hukulɔ nuąi lɛɛ kɛ káá.›»

Ɉeremi 29:31

«Nuą kpɔ luwɔlaa hu, mɛ̨nįi ŋɛ̨i ɓo, diɛ, yɛ́ diɛ: ‹Mɛ̨nii Yai-Laa kaa moi a Nehelamə mun Semaya laa, ya ka, yɛ diɛ: Semaya kaa mɛ̨nįɠaa ɓoi kaa a náá, yaan, ɲą́ą́ hvəi dɔɔ la, gaa ka kili nwɔ pɛlɛ́i a lɛɛ woo.

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Ɉeremi 27:14

'Ká hvo ka wəli tɔɔ ka wɔ Yálá kwəi mɛ̨nį hukulɔ nuą tii woo ɓa: diɛi di kaa kɛi káá: 'Ká hvo pai kɛi Babilonə tɔɔmun yee mu. Lɛɛ woo ka tii di kaa moi kaa a náá.

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Ɉeremi 23:21

«Nuą tii di kpɔɔ kɛi a Yálá kwəi mɛ̨nį hukulɔ nuą, ɲą́ą́ hvəi di tɔɔ la, ya ka tii di kaa lii a gilɛ. Və́ mɛ̨nį ɓo li diɛ, ya ka tii, di kaa kɛi diɛ, di kaa Yálá kwəi mɛ̨nį hukulɔi.