Ɉeremi 29:25 - Yálá laawoo hɛɓɛ (dc)

²⁵ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Yáá hɛɓɛ́ɠaa tɛɛ a ə́ kpɔɔ laa, Ɉerusalɛmə nuą kəlee diɛ, da ɉaláá laa həli mun Sefania ɓa, yai gaa a Maaseya lon; da ɉaláá laa həli nuą kəlee, yɛ́ kɛ diɛ:

Yálá laawoo hɛɓɛ

²⁵ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Yáá hɛɓɛ́ɠaa tɛɛ a ə́ kpɔɔ laa, Ɉerusalɛmə nuą kəlee diɛ, da ɉaláá laa həli mun Sefania ɓa, yai gaa a Maaseya lon; da ɉaláá laa həli nuą kəlee, yɛ́ kɛ diɛ:

Bible

²⁵ Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, Simaya, í kɔlɔ tɛ̂ɛ Zerusâlɛŋ-ƃelai díkaa a kɔ-sôŋ-ŋai da Maaseia ǹóŋ Zɛfɛnaya nyíi gáa a zâla láa-soŋ nuui da m̀arâa sala láa-soŋ-ƃelai dîɛ. Í mò dîa gɔlɔi sú yɛ̂ɛi,

Ɉeremi 29:25 Referans Kwoze

Ɉeremi 52:24

Dɔɔmun mąąkpɛɛ kulaa nwun nąmu ə ɉaláá laa həli mun Seraya hon, da Sefania yai kɛ a ɉaláá laa həli mun, da nu haaɓai di ɲɛ̨i ə kɛ Yálá hee pɛlɛ́ ɓa.

Ɉeremi 37:3

Tɔɔmun Sedesiasə ə Selemia lon Yehukalə da Maaseya lon, ɉaláá laa həli mun, Sefaniahu di tɔɔ Yálá kwəi mɛ̨nį hukulɔ mun Ɉeremi pɔ, yɛ kɛ mą: «Nɛ̨ɛ̨ yɛ́, ku mąąnɛ̨ɛ̨mąą hvə Yai-Laa ku wɔ Yálái ɓa.»

Ɉeremi 29:29

Ɉaláá laa həli mun Sefania ə ɉɛɓɛ́i tii hu woo ɓo Yálá kwəi mɛ̨nį hukulɔ mun Ɉeremi ɓa.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Nehemi 6:19

Di kɛi kpɔ mun hɔlɔɔ mąątɛ̨nɛ̨ ɲɛ̨́i ɓa, diɛ nwóóɠaa hukulɔ mą. Toviya ə kɛi hɛɓɛ́ɠaa tɛɛ diɛ, yɛ mą́ą́ɲɔw ɉu.

Nehemi 6:17

Nąąlɔwai tii ɓə, Ɉuda kalanɉonŋąą di kɛi hɛɓɛ́ tɛɛ la kɛlɛ-kɛlɛ Toviya ɓa, ə lɛɛ, Toviya nwɛiɠaai diɛ həli diɛ.

Nehemi 6:5

Naa heei lɔɔli naa, mɛ̨nį tɔ̨nɔ̨i tii ɓa lɔ, Sanbalatə ə nwɔ wɛlɛɛɓomun tɔɔ bɔ́ɔ́li, hɛɓɛ́ yɛ ɓo ɲəi, naaɓoɔ.

Kɔlɔnikɔ Veerɛi 32:17

Yili pulu, Senakeribə ə hɛɓɛ́ɠaa pɛ̨ɛ̨, yɛ naa pu Israɛlə nwɔ Yálá Yai-Laa hu, yɛ bilinmo, yɛ kɛ mą: «Bələi lɔ yɛnɛ̨ɛ̨ lɔiɠaa di wɔɔ haliɠaai di hvo pɛli di wɔɔ nuąi kulɔi la ɲə́ə́ ŋą, bələ lɔ ɓə Ezekiasə nwɔ Yálá hvo pai pɛlii nwɔɔ nuąi kulɔi la ɲə́ə́ ŋą.»

Tɔɔɓɛlaa veelɛ 19:14

Nuą ŋɛ̨i pa ɉɛɓɛ́, Ezekiasə ə ɉon di yəi, ə mo, ə lɛɛ, ə li la Yai-Laa yəi bɛlɛ́n. Ezekiasə ə ɉɛɓɛ́ hu hvólóon Yai-Laa lííla.

Tɔɔɓɛlaa veelɛ 19:9

Asiri tɔɔmun aa kɛ bələ mɛ̨n, diɛ mą: «Nubi tɔɔmun Tikaka aa muhəɠə, yɛ pa kɔ́ pɛ́lɛ́i mą.» Asiri tɔɔmun ə pənə nwɔ̨nɔ̨ ə nuą tɔɔ Ezekiasə pɔɔli, yɛ mą:

Ɉeremi 29:1

Yálá kwəi mɛ̨nį hukulɔ mun Ɉeremi ə lɛɛ Ɉerusalɛmə, ə hɛɓɛ́ tɔɔ galanɉonŋaai kɛ gɔ luwɔɠaa lɔwai diɛ, da ɉaláá laa həli nuą, ə mą kɛ, Yálá kwəi mɛ̨nį hukulɔ nuą, da nɔi lonnii kəlee, diɛi kpɔ Nabukodonosorə ə di kulɔ Ɉerusalɛmə yɛ li a diɛ Babilonə.