Bib sou entènèt

Ɉeremi 29:23 - Yálá laawoo hɛɓɛ (dc)

²³ Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Gade chapit la Kopi

Yálá laawoo hɛɓɛ

²³ Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Gade chapit la Kopi

Bible

²³ Ǹûai ŋí dí mɛni nyɔ́mɔ kɛ̀ Eezuɛ-ŋai sáma. Ǹûai ŋí díwulu-wulu kpɛ̀ a díƃarâai dínɛyâai. Díkɛ̀ lɛ́ɛ ɣala-woo ƃôi dîyɛɛ ńyãa ƃé dí tɛ̀ɛ. Ḿve mó ní a gɛɛ dí gɛ́ tí. M̀ɛnii dí gɛ̀i ŋ́gaa a maa sêre.’ Ńyãa Yâwɛɛ ƃé mò tí.”

Gade chapit la Kopi

tounen moute ⬆

Ɉeremi 29:23
28 Referans Kwoze

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Malasi 2:14

Ka kɛ mąąnįn kɛ kɛi, kaa kɛ mą: Lə mɛ̨nį ɓa, Yálá hvo kɛa bɔ? Mąąhɔlɔɓo, ká ká woo kwɛlɛ ka láŋą nɛ̨ɛ̨ ɓa, Yálá kaa a kɛla ká yaa ka lɔwai; Ya pa, yáá kpįnįi ɓə ɉəɠə ɉu, ə kɛ a ə́ nɛ̨ą, a ə́ hiɛ gee pulu. Kɛlaa ya ka, yáá vulu, yáá nɛɛ.

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Ɉeremi 23:21

«Nuą tii di kpɔɔ kɛi a Yálá kwəi mɛ̨nį hukulɔ nuą, ɲą́ą́ hvəi di tɔɔ la, ya ka tii di kaa lii a gilɛ. Və́ mɛ̨nį ɓo li diɛ, ya ka tii, di kaa kɛi diɛ, di kaa Yálá kwəi mɛ̨nį hukulɔi.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Zɛnɛse 31:50

Akɛ yá nónnii nɛ̨ąą ŋɛ̨i hvulu, ya nɛ̨ɛ̨nu takpɛli həɠə, nu hvəi gaa a gu lɔwai kɛla, Yálá kpinį ɓə gaa a gɛla gwa yɛ gu lɔwai.»

Zɛnɛse 34:7

Ɉakɔbə lonnii di həɠə nɔwɔi di pa, mɛ̨nį tii kɛ, di mo diɛ. Yili ə nwąną diɛ, ə di liikələn di kwəi, mąąhɔlɔɓo, Sisɛmə aa ɓɛlɛkpɛɛmąą, túwɔ́ ɓo a Israɛlə, a laa ŋɛ̨i ə mo a Ɉakɔbə lon Dina. Yili mąą hvo nɛ̨ɛ̨li kɛ Israɛlə nuą lɔwai.

Nwun mąąɓo 11:10

Nąąlɔwai, Galaadə kalanɉonŋaa, diɛ Ɉɛfte ɓa: «Yai-Laa kaa a gu wɔ kɛla, yii kpɔ ŋɛ̨i ku mo, kwa gɛ tii.»

Samia Veerɛi 13:12

Maahala yɛ mą: «Kpaa níɛ! Hvo too mɛ̨i. Mąąhɔlɔɓo, di hva dúwɔ huwui tii ɓo Israɛlə lɔi hu. Hvo naa kala mɛ̨nįi ŋɛ̨i kɛ.

Ɉeremi 5:8

Di kaa yɛ hoo hilɛɠaai di hutono, daa kpɔɛ; diɛ di lii pɔ wɔlɔ di kee ni nɛ̨ąni pulu.

Ɉeremi 7:11

Bɛlɛi ŋɛ̨i naa kwɛlan mɔ̨ɔ̨ mą́ą́, ka káá gaai yɛ nwuɔ̨ nuą mąą kilɛi? Ka mą wala hvaa mą, nwɛi gáá kpɔ kaa tii ka kwəi pələ. Yai-Laa woo li.

Ɉeremi 29:31

«Nuą kpɔ luwɔlaa hu, mɛ̨nįi ŋɛ̨i ɓo, diɛ, yɛ́ diɛ: ‹Mɛ̨nii Yai-Laa kaa moi a Nehelamə mun Semaya laa, ya ka, yɛ diɛ: Semaya kaa mɛ̨nįɠaa ɓoi kaa a náá, yaan, ɲą́ą́ hvəi dɔɔ la, gaa ka kili nwɔ pɛlɛ́i a lɛɛ woo.

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Swiv nou:

Lyen patwone

Piblisite

Piblisite