Ɉeremi 29:13 - Yálá laawoo hɛɓɛ (dc)

¹³ Ka gwɛ́li pai kɛi, ka gáá, ka gwɛ́li kpɔ a ka lii kəlee.

Yálá laawoo hɛɓɛ

¹³ Ka gwɛ́li pai kɛi, ka gáá, ka gwɛ́li kpɔ a ka lii kəlee.

Bible

¹³ À kɛ̀ tí, gɛ̀ ní ka pâi ŋ́gɔ̂rii a kálii kélee ǹyaŋ ka pâi ŋ́gâai.”

Ɉeremi 29:13 Referans Kwoze

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Maafîu 7:7

«Ka vɛli, da dɛɛ ka pɔ. Ka gwɛli, ka ɉɔlɔɓo. Ka gbon gɛlɛ, da naaɓo ka tɔwɔ.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 119:145

Gáá ə́ təlii a nwą́ną́i Yai-Laa! 'Nwóó mu hon, əgɛ, ŋą́ ə́ liiɓa mɛ̨nįɠaa kɛ.

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Mąątɛ̨nɛ̨ 119:58

Gáá kpɔ tɔɔi a nwą́nąi, ŋą́ ə́ líiɓa kɛ, kpɔnmąą tɛɛ bɔ́, yɛ ɓələi ə́ mo la.

Kɔlɔnikɔ Veerɛi 22:9

Ɉehu ə mo di li di Akaziasə kulɔ now pələi, hvo gaai, aa li kɛ aa now Samari daai. Di ɉon, di paa la Ɉehu pɔ, di baa. Bələi mąn ə kɛ la tii, di bowa loo. Mąąhɔlɔɓo, di kɛi kɛ diɛ: «Yaa kpɛli gaa a Ɉosafatə lon da, yaai tii hvilɛn Yai-Laa pulu a gwəi kwəlɛɛ.» Nui lɔpee ta hvo kɛ Akaziasə yəi bɛlɛ́n, yɛ pɛli kɛi a tɔɔmun.

Tɔɔɓɛlaa veelɛ 23:3

Tɔɔmun ə kɛ tɔɔni gbədələn ŋą Yai-Laa lííla, ə mįnɛ̨ həɠə woo hu nwun, ə mo yɛ diɛ: mįnɛ̨ ɓə a gu hvilɛn Yai-Laa pulu, ə gu kanąn nwɔ liɛwooɠaai diɛ, da gwəi mɛ̨nįɠaa, mąąnɛ̨ɛ̨, nu tɛitɛi kəlee ə nwoo kwɛlɛ, yɛ kɛ diɛ: dɔ́n nwooɠaai gaa ɉɛɓɛ́i tii hu, a ɲee hee mu, a nii kəlee, da nwɔ kiliŋąhiɛ kəlee. Nɔi lonnii kəlee di hvaa mįnɛ̨ həɠə woo tii ɓa.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Mąątɛ̨nɛ̨ 119:69

Kpɔwɔ ɲąąkɛnɛ̨ nuą daa náá kala a di wɔ lɛɛ wooɠaa, nwɛ́i, gáá ə́ wɔ tiɓoɠaai pulu gwə́i tɔ̨nɔ̨ mɛ̨i.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Mąątɛ̨nɛ̨ 32:6

Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Mąątɛ̨nɛ̨ 145:18

Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Azaya 65:10

Sarɔn a kɛ a ɓɛlaaɠaa da ɓoluɠaa di pɛlɛi, Akɔrə yɛakɔwɔ yɛ lɛɛ a niŋɛ̨ɠaa laa mįi, gəlee di ɓo a nwɔ nuąi gwɛlii di wɔɔ.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.