Biblia Todo Logo
Bib sou entènèt

- Piblisite -




Ɉeremi 29:11 - Yálá laawoo hɛɓɛ (dc)

11 Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Gade chapit la Kopi

Yálá laawoo hɛɓɛ

11 Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Gade chapit la Kopi

Bible

11 Ńyãa tɔnɔ nɔ́ ƃé m̀ɛni kpɛtɛɛ kɔ́lɔŋ nyíi gáa ká maa mɛ̂ni mai. Ŋa gbɛtɛ ŋ́gili ŋá a gɛɛ ŋá pá a mɛni lɛ́lɛɛ ká mɛni ma, kɛ́lɛ mɛni kpɔ̂lu fêi. Ŋa pâi gɛ̂i kili-kɛ zu kɛ́ ƃò káyêei ká ɣéniɛi tuɛ-pere mɛni ma.

Gade chapit la Kopi




Ɉeremi 29:11
38 Referans Kwoze  

Yai-Laa kwəi kili kaa lɔ a yələ kəlee mɛ̨nį, mɛ̨nįɠaai a mąąkili tee gwəi, kwɛlan gəlee mɛ̨nį li.


Kɛlaa di hvo Yai-Laa kwəi kɔ́lɔn, mɛ̨nįɠaai gaa giliŋąhiɛi mą, di hvo gbaɠala kaai; gbaɠala hvo diɛ, diɛ kɛ: aa di ɲąąkpɔn yɛ mɔ̨nun gɔnŋąą, mɔ̨nun dan ɉii.


Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.


Mɛ̨nįi a giliŋąhiɛ mą, gbɛɛ ɓə a ɉəɠə mą? A mɛ̨nį kəlee kɛ lɔ a niiɓa.


Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.


Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.


Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»


Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.


Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»


Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.


Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.


Nwooi ŋɛ̨i ɓo diɛ, ɲą́ą́ Yai-laa Yálá nwóó ka: ‹Ə mą kɛ, ŋą́ą́ tɛɛ kwɛaa la, ɛlɛɛ ŋą́ di taɠa-taɠa nuą lɔwai, ŋą́ kɛ laa di pɔ woloɓo yɛ kɛɛnąą mąąhəɠɛɛ.›


Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»


Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.


Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.


«Yai-Laa Israɛlə nwɔ Yálá woo ka, yɛ diɛ: Bələi lɔ da di ɲɛ̨i hee la a nɛlɛɛ mɔ́láá ɓá lɛlɛɛɠaa ŋɛ̨i diɛ, bələ lɔ ɓə gáá pai ɲɛ̨́i lɛlɛɛ heei la Ɉuda kɔluwɔɠaa diɛ, diɛi tii ŋį́ di kpɛ gɛɛnąą ŋɛ̨i ɓa, diɛ li Kalde lɔi hu.


«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.


Swiv nou:

Piblisite


Piblisite