Ɉeremi 26:9 - Yálá laawoo hɛɓɛ (dc)

⁹ Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Yálá laawoo hɛɓɛ

⁹ Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Bible

⁹ Lé ƃa yá a gɛɛ í ɣâla-woo ƃó a gɛɛ Ŋ̀âla-pɛrɛ Kɛ́tɛi ŋí a pâi wôloi yɛ̂ɛ nyíi kɛ̀ Siloi? Lé ƃa yá a gɛɛ í mò yɛ̂ɛ Zerusâlɛŋ a pâi lɛɛ̂i a taa pîleŋ, núu da fa ŋɔ́nɔ sèe naai?” Nya ƃe ǹûai kélee dí tìnaŋ Zɛlemaya ma Ŋ̀âla-pɛrɛ Kɛ́tɛi mu.

Ɉeremi 26:9 Referans Kwoze

Gɛlaɠaa 22:22

Ɉuifəɠaa wəli tɔɔ kɛ Polə woo ɓa, ə lɛɛ ɉu, ə həli nwooɠaa tii ɓa, nuąi kɛli nwoo mɛ̨n di tómą, diɛ kɛ: Nu ɲɔ̨nwɔ̨mą taaləi ŋɛ̨i, mąąnɛ̨ɛ̨ ə həɠə lɔi mɛ̨i, mąą hvo nɛ̨ɛ̨li hvo lɛɛ yɛnɛ̨ɛ̨.

Gɛlaɠaa 21:30

Daai nąą kəlee ə kɛ lɔ ɉuwu-ɉuwu, nuą diɛ həɠə kɛɛnąą tamąą diɛ pa. Di Polə hon di kulɔ la Yálá hee pɛlɛ́ mu, di bɛlɛ́ɠaa laa kpulu.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Gɛlaɠaa 6:14

Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Markə 15:11

Ɉaláá laa həli nuą nwun nąmįną di nɔ kwəi kɛ, nu kpului tii ɓa ə gɛ di mo Pilatə ɓa ə tee Barabasə ɓa.

Maafîu 27:20

Ɉaláá laa həli nuą kpɛa-kpɛa nwun nąmįnąɠaa da Ɉuifə kalaɉonŋąą di mo nɔi nuą kəlee diɛ, diɛ diɛ: «Ka gu hvaamą, di ɓo Barabasə ɓa, di Jesus paa.»

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Mise 2:6

Nu taɠaa da kɛ kɛi mą́ą́: 'Ə́ laapilɛ, nu hva hvaa tii! Mąą hvo nɛ̨ɛ̨li nu hvo kɛ diɛ: A tɛ̨ą, laanɔ̨nwɔ̨ hvo pai həɠəi ku pulu.

Amɔsə 5:10

Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Gɛlaɠaa 3:11

Yɛ bələi ɉulɔnui ti hvo kɛi kɛa həɠə la Piɛrə da Ɉaan di pului, nuą kəlee kwəi piliɛ diɛ, di kpulun diɛ pa Piɛrə da Ɉaan di pɔ, ɓɛi da kɛ nąą laa ɓaa: Salomɔn yəi ɲįmąn mu.

Gɛlaɠaa 5:12

Gɛlaɠaa di kɛi kpalo mɛ̨nį tamąą da kwəi pilimąą mɛ̨nįɠaa kɛ nɔi nuą lɔwai. Laa na nuą kəlee di kɛi di ɲąąkpɔn Salomɔn yəi ɲumąn mu.

Zasua 18:1

Israɛlə lonnii kəlee di di ɲąąkpɔn Silo, di gee kaa kələ tɔɔ laa. Nɔi nąą kəlee ə ɓo di yee mu.

Ɉeremi 32:3

Ɉuda tɔɔmun Sedesiasə ɓə nɔ laa. Yɛ kɛ Ɉeremi ɓa: «Lə mɛ̨nį ɓa, ə́ kaa kɛi diɛ: ‹Yai-Laa lawoo ka ŋɛ̨i gáá moi kaa, yɛ diɛ: Ɲą́ą́ Yai-Laa, gáá pai daa ŋɛ̨i lɛɛi Babilonə tɔɔmun ɲee kɔ́nma; Babilonə tɔɔmun kaa pai ɉon ɉii a kɔ́.

Ɉeremi 33:10

Yai-Laa woo ka, yɛ diɛ: Ka kaa kɛi diɛ: Gɛɛnąąi ŋɛ̨i kaa a lɔi pun. Nu hvo laa, taatɛlɛɛ hvo laa; Ɉuda taaɠaa hu da Ɉerusalɛmə kwəliɠaa hu. Nąą mąą aa wɛli; nu hvo laa, taatɛlɛɛ hvo laa. Di kaa nwɔ̨nɔ̨ pai,

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.