Ɉeremi 26:13 - Yálá laawoo hɛɓɛ (dc)

¹³ Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Yálá laawoo hɛɓɛ

¹³ Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Bible

¹³ M̀ɛni ma, ka kátûa-pere maa fáleŋ a ǹɛ́lɛɛ, ká Káɣâlai Yâwɛɛ wóo mɛ́ni. Kà gɛ̀ tí, gɛ̀ ní a pâi ǹíi maa fálenîi. Vé pâi kákula-maa kɛ̂i a m̀ɛni kpɔ̂lui nyíi-ŋai è mò a gɛɛ a pâi ǹâai kâai.

Ɉeremi 26:13 Referans Kwoze

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Zôna 3:9

Gbəli hu gwa gɛ tii, Yálá kaa pai gu ɲɛ̨imąąwɛli kaai, ə nwɔ liiɲąnwąną həɠə gu mɛ̨i, gu hvo pa haa.»

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 26:19

«Ɉuda tɔɔmun Ezekiasə da nɔi lonnii di mɔ̨ɔ̨ haa? Kɛlɛi yaamun, di Yai-Laa ɓɛlɛ kɛ mą, di tɔɔ a di nwąnąąi, diɛ níilaa. Ɛlɛɛ, mɛ̨nį ɲąąnwąnąąi Yai-Laa aa kɛ naa gwəi yɛ kɛ ə naa diɛ, ə nɛɛ laa. Ya ka tii gu wɛi gu kaa pai gu tɔɔ pələ ɲɔ̨nwɔi kpɔ tɛ̨ɛ̨tɛ̨ɛ̨.»

Ɉeremi 26:3

Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Ɉeremi 18:8

Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Ɉeremi 42:10

'Ká hvaa mą ka lɛɛ nɔi ŋɛ̨i hu, ŋą́ ka tɔɔ, vá kɛa ka hukala, ŋą́ ka hin, vá kɛa ka kulɔ a ka nwun. Mɛ̨nį ɲąąnwąnąąi ŋą́ naa kaa, ŋą́ bɔ́ɔ́ŋą pɛli.

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»