Ɉeremi 26:10 - Yálá laawoo hɛɓɛ (dc)

¹⁰ Mɛ̨nįɠaai tii mɛ̨n di mo, Ɉuda lɔi ɲąąwooɓo nuą di həɠə tɔɔmun ɲəi bɛlɛ́n, di ɲee tɛ Yálá hee pɛlɛ́ mu, di hee gbon nįnɛ̨ laaləi pələ.

Yálá laawoo hɛɓɛ

¹⁰ Mɛ̨nįɠaai tii mɛ̨n di mo, Ɉuda lɔi ɲąąwooɓo nuą di həɠə tɔɔmun ɲəi bɛlɛ́n, di ɲee tɛ Yálá hee pɛlɛ́ mu, di hee gbon nįnɛ̨ laaləi pələ.

Bible

¹⁰ Tãi Zuda kaloŋ-ŋai dí m̀ɛnii ŋí mɛ̂ni lai, dí kùla díkâloŋ-pɛrɛ kɛ́tɛi lá a kîrɛ dí pá Ŋ̀âla-pɛrɛ Kɛ́tɛi lá dísee dímɛni ŋáa tée-kwaai mâ Ziɣãŋ Ninai láƃerei.

Ɉeremi 26:10 Referans Kwoze

Ɉeremi 36:10

Nąąlɔwai ɓə, Barukə ə Ɉeremi woo kəlee ɓo la, yai kɛ ɉɛɓɛ́ hu, Yai-Laa yəi bɛlɛ́n, Safan lon Gemariahu yəi ɉɛɓɛ́ kɛ pɛlɛ́ mu, bɛlɛi tii ə kɛ Yai-Laa nwɔ pɛlɛ́i mɛ̨i pələ gbon nįnɛ̨ tənən ma.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 22:6

«Ə́ pɔɔli, Israɛlə lɔi ɲąąwooɓo nuą da kɛ ɲąmą pui; nu kəlee yɛ gɛ, yɛ bələi lɔ ɲee kɔ̨nwɔ̨n ɉu wala walaa la.

Ɉeremi 36:25

Ɛlɛɛ yaan Ɛlnatan, Delayahu da Gemariahu, di kɛi kɛ tɔɔmun ma, hvo ɉɛɓɛ́i tii kələn. Kɛlaa, hvo kɛi nwəli tɔɔ di woo ɓa.

Ɉeremi 34:19

Ɉuda lɔi da Ɉerusalɛmə ɲąąwooɓo nuą, dɔɔ kwəlii nuą, ɉaláá laa həli nuą da nɔi nąmįną kəlee, nuąi kpɔ tii tɛɛ Nįŋɛ̨ lon mɛla hveelɛi lɔwai,

Ɉeremi 26:24

Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Tɔɔɓɛlaa veelɛ 15:35

Kɛlaa ə mą kɛ tii, ɉali kɔ́iɠaa di hvo kpɛɛ nɔi, nuą di kɛi lɔ li diɛ haláá kulɔ gɛɛnąąɠaa tii, diɛ lansan kələn nąą. Yotamə ɓə Yai-Laa nwɔ pɛlɛ́ ɲələi pələ kpon doo.

Ɉeremi 26:21

Tɔɔmun Yoyakimə da nwɔ kɔ́kulááɠaai da galanɉonŋaai di nwooɠaai tii mɛ̨n. Tɔɔmun yɛ nui tii paa pələ kwɛli. Uriahu kili ə pu ɉu, ə ɲɔw, ə pu, ə li Eziptə lɔi hu.

Ɉeremi 34:10

Nu kpɛa kpɛaa da nɔi lonnii kəlee di kɛɛ mɛ̨nįi tii ɲąą yilii, yai kɛ a nuwɔɠaa lɛɛ mɛ̨nį di kpɔɔ ɓa; ɉinąą mąn nɛ̨ąą mąn, ɛlɛɛ, di hva kɛa di yee kanąn diɛ, luwɔlaa hu. Nwooi tii mɛ̨n di mo, di bɔ mɛ̨nį kɛ, diɛ nuwɔɠaa lɛɛ di kpɔɔ ɓa.

Kɔlɔnikɔ Veerɛi 27:3

Yotamə ɓə Yai-Laa nwɔ pɛlɛ́i yanwuɔ̨ pələ gbon bɛli. Ə pɛlɛ tamąą tɔɔ Ofɛlə ɉįi mɛ̨i.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.