Ɉeremi 25:6 - Yálá laawoo hɛɓɛ (dc)

⁶ Ká hvo kɛ ka káá hvilɛn ɉii haliɠaa pulu, kaa tí diɛ, ɛlɛɛ, kaa kwɛli hvilɛn diɛ. 'Ká hvo kɛ ka káá nwą́ną lɔi a ka túwɔ́ pələ, və́ pa mɛ̨nį ɲɔ̨n naa káá.›

Yálá laawoo hɛɓɛ

⁶ Ká hvo kɛ ka káá hvilɛn ɉii haliɠaa pulu, kaa tí diɛ, ɛlɛɛ, kaa kwɛli hvilɛn diɛ. 'Ká hvo kɛ ka káá nwą́ną lɔi a ka túwɔ́ pələ, və́ pa mɛ̨nį ɲɔ̨n naa káá.›

Bible

⁶ Káfe lɛ̀ɛ ɣâla da-kpɛ́ni-ŋa pôlu. Kpaa máŋ kákɛ dífɛ̀li. Ńyãai ŋ́gaa a Yâwɛɛi, káfe ńii ŋwána mɛni kɛ̀ a ɣâla da-kpɛ́ni-ŋa fɛliɛɛ nyíi-ŋai ká díkpɛ̀tɛ a káyeei. Kà wàla dí fɛ́li, ḿve pâi kákula maa kɛ̂i.

Ɉeremi 25:6 Referans Kwoze

Dutɛrɔnome 8:19

Kɛlaa, Ka lɛ̨ą Yai-Laa ka wɔ Yálái ɓa, kaa hvilɛn haliɠaa pulu, kaa tí diɛ, kaa pɛlɛ di lííla; gáá moi kaa, gɛ́ gwɛla ɉu! Ka nwun na a pili kpɔ tɛ̨ɛ̨tɛ̨ɛ̨.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Tɔɔɓɛlaa veelɛ 17:35

Da Yai-Laa ni di ta nįnɛ̨ həɠə, Yai-Laa ə mo diɛ, yɛ diɛ: «Mąą hvo nɛ̨ɛ̨li ka hvo kwɛli hvilɛn haliɠaa diɛ, ka hvo di mąąwiɛ, ka hvo haláá kulɔ diɛ.

Dutɛrɔnome 6:14

Ka hvo hvilɛn haliɠaa pulu, ə mą kɛ ka kwɛlɛ lɔiɠaa ŋɛ̨i di wɔ hali ta lɔpee;

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Tɔɔɓɛlaa dɔlɔɔ 14:22

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Ɉuda nuą di di yee lɔ ɉu, nɛ̨ŋɛ̨nŋaai di ɉəɠə, di Yai-Laa lii kələn gwəi ə tɛɛ la di nąnni diɛ.

Zasua 24:20

Ɲələi ka káá pai lənəi la Yai-Laa ɓa, kaa haliɠaa kɔ́, gaa pai heei ka hu, yɛ mɛ̨nį nwąnąąɠaa laa kaa, yɛ ka nwun na pili, ya pa ə gbɛa mɛ̨inɛ̨ɛ̨ kɛ kaa.»

Dutɛrɔnome 28:14

akɛ nwɔ pələɠaa ŋɛ̨i gáá dɛɛi ka pɔ háákələi, ka wala həɠə mɛ̨i, kaa li ɓa mįi yee hu, a wala kɛ tii, kɔ́ɓɛyee hu; ɛlɛɛ, akɛ ka wala hvilɛn haliɠaa pulu, kaa kwɛli hvilɛn diɛ.

Dutɛrɔnome 13:2

Akɛ nu ta a muhəɠə ka lɔwai yɛ kɛ diɛ Yálá kwəi mɛ̨nį hukulɔ mun ni, awala kɛ tii hįį kaamun; ə mą kɛ mɛ̨nį ɲɛ̨i kɛnɛ̨ ta ɓə, awala kɛ tii kpalo mɛ̨nį, ə nɛɛ kwɛala yɛ ɉukulɔ;

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Ɉeremi 32:30

A tɛ̨ą, ə həɠə Israɛlə da Ɉuda di muhəɠə yələ ɓa, mɛ̨nįi nwɛli hvo mą́ą́, yaa lɔ ɓə da kɛ gɛi. Israɛlə lonnii daa nwąnąlɔ a di túwɔ́ pələ.

Ɉeremi 44:7

«Yii hu, ə həli kɛa kaa! Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: Lə ɓə kɛ, yaai, ka káá mɔ̨nɔ̨ taaləi tii lɔi ka kpɔɔ pɔ? Diɛ ka kəlee ka paa Ɉuda lɔi hu; ɉinąą mąn, nɛ̨ą mąn, nɛapɛlɛɛ da non gaa nįnɛ̨ɠaa? Ka kpəli logolo kpɛli hva lɛɛ!