Bib sou entènèt

Ɉeremi 23:14 - Yálá laawoo hɛɓɛ (dc)

¹⁴ Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Gade chapit la Kopi

Yálá laawoo hɛɓɛ

¹⁴ Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Gade chapit la Kopi

Bible

¹⁴ Kɛ́lɛ, ŋa gáa a gɛɛ Ɣâla ŋɔlóno kɛ́-ƃelai díkaa Zerusâlɛŋ díwɔ̂i tɛɛ̂i. Da wulu-wulu kɛ̀, dí kɛ́ lɛ́ɛ kɛ̀. Da kpɔŋ mâa tɛ̀ɛ nûa pɔ́ a gɛɛ dímɛni nyɔ́mɔ kɛ́, a gɛɛ núu da fé kpèra ŋwana lɔ̂ɔ-tua kɛ̂i. Díkelee dísɔŋ nyɔ̂mɔɔi nɔ́ yɛ̂ɛ Sodɔŋ da Gomora-ƃela.

Gade chapit la Kopi

tounen moute ⬆

Ɉeremi 23:14
45 Referans Kwoze

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Dutɛrɔnome 32:32

Diɛi tii, di hvo hviɛlaɓo li Sodomə da Gomorə nuą diɛ, Bələi lɔ di wɔ viɲəɠaa da ɓá la a nwąnąą, nɔɔ yɛ ɓo a pili mąą, bələ ɓə di nąmįną kaa la.

Zɛnɛse 18:20

Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Maafîu 11:24

Yili ɓə gaa mą, gáá moi kaa, Yálá nwɔ kiti teei lɔwai Sodomə taa nwɔ gahoi a hviɛlaɓo ə́ wɛi ɓa.»

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Ɉeremi 20:16

Mąą nu ə kɛ yɛ daaɠaai Yai-Laa aa di wolo, yaai hva pənə bulu, gaa pai woo mɛ̨n ɉii yələwala pɔ, diɛ kɛ mą: «Ka pa kilɛ!» Yɛ kɔ́ too woo mɛ̨n a hvoló tɔɔ nwun ma;

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Malasi 1:1

Yai-Laa ə haŋą Israɛlə nu huwu ɓa, Malasi laaləi, yɛ diɛ:

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 18:13

Yili ɓə gaa mą, Yai-Laa woo ka, yɛ diɛ: Yii gaa tii, kɛɛ mąąni kɛ lɔiɠaa hu, kaa ta mɛ̨nį taaləi tii ta bələ mɛ̨n? Israɛlə nɛ̨ɛ̨gbɛla aa kɛɛ kala túwɔ́ ɓo.

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Ɉeremi 23:22

Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 49:18

Bələi lɔ ə kɛ la a Sodomə taa da Gomorə taa, da di kwɛlɛ taaɠaa di pu yələ, nu ta hvo kɛa pai lɛɛi laa. Yɛnɛ̨ɛ̨ mun da hva kɛa daa tɔɔlaa. «Ɲą́ą́ Yai-Laa nwóó li!

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Osia 6:10

Ŋą́ą́ mɛ̨nį ɲɔ̨nwɔ̨ɔ̨ kpɛa-kpɛa kaa Israɛlə nwɔ pɛlɛ́i mu, nąą ɓə Ɛfraimə a nwɔ wɛli mɛ̨nįi kɛ laa, Israɛlə mąą yɛ liɓi la.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Zɛnɛse 19:25

Pələ ɓə Yai-Laa ə daa hveelɛi tii da gwɛlɛ lɔi kəlee kələn na, ɉu nuą ə mą kɛ ɉu wuluɠaa mąn.

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Mise 1:5

Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Swiv nou:

Lyen patwone

Piblisite

Piblisite