Ɉeremi 21:5 - Yálá laawoo hɛɓɛ (dc)

⁵ Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Yálá laawoo hɛɓɛ

⁵ Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Bible

⁵ Ńyãa kpîŋ ŋa pâi kɔ̂i kápɔ a ŋáwála-wala-laai kélee kpɛ́ni fêi, ńii ŋwânai kâa a ŋánaa.

Ɉeremi 21:5 Referans Kwoze

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 6:12

Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Lɛɛ gbɔwɔ ɓa 9:15

Ŋą́ ɲee pɛlɛ kɛ yɛ́ yiihu, ká ə́ wɔ lɔi hu nuą ka kwəi kulɔ ɲɔ̨n ɉəɠə, yɛ ə́ laa aa kpɛɛ lɔi mɛ̨i.

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 37:10

Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Woolaa 2:3

Nwɔ liiholo hu, aa Israɛlə nwɔ huwalawala hu kala. Ku yowoɠaa kɛɛ pai, hvo gɛ hvo kpɔmąą tɛɛ ku pɔ aa nwɔ̨n doo nwɔ nuą lɔwai aa gwɛlɛ hɛnŋaa kəlee kələn.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Izikiɛ 39:3

Gɛ́ ə́ kɛlɛ, ə́ kɛɓɛyee yɛ kulɔ ə́ wɔ kilən ɓa; gɛ́ ə́ wɔ tɔ́nwąɠaai kulɔ ə́ ɓa-mįi-yee ɲą, gɛ́ di pu nɔi ɓa.