Bib sou entènèt

Ɉeremi 20:7 - Yálá laawoo hɛɓɛ (dc)

⁷ Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Gade chapit la Kopi

Yálá laawoo hɛɓɛ

⁷ Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Gade chapit la Kopi

Bible

⁷ Yâwɛɛ, í ḿbɛ̀lɛ, ŋ́gili-ŋa é tɛi. Íwala-walaai é tɛ́ɛ ḿâ. Íyee a tɛ̀ɛ ḿâ. Ǹûai kélee da ɣɛ́lɛ-maa kulâi ŋ́gbonôi. Da lɛ̂ɛ ɣɛ̂lɛi ḿâ é lɛ́ɛ la zu ɣele wûlii é kɛ́.

Gade chapit la Kopi

tounen moute ⬆

Ɉeremi 20:7
32 Referans Kwoze

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Woolaa 3:14

Nwɔ́ nuą kəlee diɛ yɛlɛ mą́ą́ gɛ́ ɓo a di wɔ yɛlɛ kulɔ ɉu hɛn a yələ kəlee.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;

Korɛntə dɔlɔɔ 9:6

A wala kɛ tii, ɲą́ą́ dɔnɔ̨ lɔ kwa Barnabasə ɓə ku laa hva pɛli kulɔi kolo hu?

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Lukə 23:11

Herodə da gɔ́kulááɠaa di kɛi yɛlɛ Jesus ɓa, diɛ mɛlɛkpɛɛ ma. Di gbaawi lɛlɛɛ ta too Jesus kwąną, di pənə di dɛɛ diɛ li la Pilatə pɔ.

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Ɉeremi 17:16

Ɛlɛɛ yaan, gu woo hvə li li a pələ tɔ̨nɔ̨, və́ ɉu hvɛli gɛ́ kɛ mɛ̨nį nwąnąą ə pa ɉa, və́ kɛ mɛ̨nį kalaa nwɔ yələ hu hvɛli li, yɛ́ kpįnįi gbaɠala kaa yɛ́. Mɛ̨nįi kulɔ ná, ŋį́ mo ə́ ɲɛ̨i ɓa.

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Ɉeremi 15:10

Éékə́ néé! Lə mɔ̨nɔ̨ ɓə ŋɛ̨i ə́ naa mą́ą́i! Yɛ́ li gáái a lon? Ɲą́ą́ ŋɛ̨i ŋą́ą́ kɛ a nui nɔi kəlee a naa hea too, diɛ tɔɔ na; Və́ kwələ həɠə li, və́ kwələ tɔɔ li, Kɛlaa, ə mą kɛ tii, nu kəlee kaa nɛ́ŋɛn naai.

Tɔɔɓɛlaa veelɛ 2:23

Elise ə həɠə Ɉeriko yɛ li Betɛlə pələ. Ɉəliɛ daa kpala, lɛapɛlɛɛ di həɠə taai, diɛ yɛlɛ Elise ɓa, diɛ kɛ mą: «Nwuɔ̨ kɔ́mɔ̨, 'li! Nwuɔ̨ kɔ́mɔ̨, 'li!»

Zôo 12:4

Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Mąątɛ̨nɛ̨ 119:51

Kpɔwɔ ɲąąkɛnɛ̨ nuą di di laa pu ɉú kɛnɛ̨, Kɛlaa, və́ həɠə ə́ wɔ tɔn nwooi pulu.

Ɉeremi 38:19

Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Zôo 30:9

Ɲą́ą́ ka kɛa ŋą́ą́ kɛ a di lonnii di wɔ wələwoo, ŋą́ą́ kɛ a di wɔ hanwon ɉɔɔ hɛn.

Azaya 8:11

A tɛ̨ą, Yai-Laa ə mɛ̨nįi ŋɛ̨i ɓo mą́ą́, ɓɛlɔwai ə ɲee pɛlɛ la mɛ̨́i, ə gíli ɲą pɔ̨nɔ̨, ə gɛ və́ hvilɛn nu huwui ɲɛ̨i túwɔ pələ pulu; yɛ mą́ą́:

Swiv nou:

Lyen patwone

Piblisite

Piblisite