Ɉeremi 2:32 - Yálá laawoo hɛɓɛ (dc)

³² Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Yálá laawoo hɛɓɛ

³² Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Bible

³² Nɛnî-kpela a pɔ̂ri niâi ŋɔkɔyɛ̂ŋ-ŋai dîa, kpaa ǹɛniî nyíi gáa liî surɔŋ kulâi é nia ŋɔmaa ɣîri-sãai ma? Kɛ́lɛ, ŋánûai da nîa ḿâ a tãi su kóyaa dífe ŋɔ́nɔ góraŋ kɔ́lɔŋ.

Ɉeremi 2:32 Referans Kwoze

Mąątɛ̨nɛ̨ 106:21

Di lɛ̨ą Yálá ɓa, yaamun tii a di nwun mąąɓomun a yai mɛ̨nį ɲɛ̨i kɛ̨nɛ̨ɠaa kɛ diɛ, Eziptə lɔi hui.

Ɉeremi 13:25

Ɉerusalɛmə! Ɉɛn ə́ kaa gwɛlii ya ka tii; yáá kulɔ nwóó mu, ɉɛn yáá ɉee ə́ kpɔɔ tɔwɔ, yaa li. Hvo gaai, ə́ lɛ̨ą mą́ą́, yɛ́ ə́ kpɔɔ ɓowo a lɛɛ hɛn. Ɲą́ą́ Yai-Laa nwóó li.

Ɉeremi 3:21

Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Zɛnɛse 24:22

Yii kɛa ɲɔ̨nwɔ̨mɛ̨ɛ̨ɠaa kəlee di di kpələ, ɉulɔnui tii ə gbono tɛɛ Rebeka pɔ ə ɓo a hɛni, mu wiaa, ɛlɛɛ, da yeeɓa kwɛli hveelɛ di ɓo a hɛni, gəlee hveelɛi mu wiɛ yee ə ɓo tanɔ̨n.

Samia Veerɛi 1:24

Israɛlə nɛ̨ɛ̨lɛa, ka Saulə haa wɔlɔ ɓo; ya ɓə kɛi ka mąąyili a nįnįkɔ́lɔ həɠə, da mąąyili hɛn nɛlɛɛɠaa, yɛ ka mąą həɠəɠaa mąą pu a hɛni.

Zɛnɛse 24:53

Yili pulu, ə nwɔ tiɛ̨ɠaai laa hvólóon, mąąyili hɛnŋąą di kɛ ɉu a wali kwɛli, hɛni ɛlɛɛ, da həɠəɠaa; ə gəlee tɛɛ Rebeka pɔ. Ə hɛn gɔw kɛnɛ̨ tɛɛ Rebeka nee da niɛ hulɔnu di pɔ.

Zɛnɛse 24:30

Yii kɛa Laban ə gbono da ɲee ɓa kwɛliɠaa kaa mąąhala yəi, ɛlɛɛ, ə mąąhala woo hukulɔ woo mąn; Laban ə li ə ɉulɔnui tii kaa da nwɔ ɲɔ̨nwɔ̨mɛ̨ɛ̨ɠaai diɛ ɓo ni ɲálɔwa la.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Ɉeremi 2:33

A tɛ̨ą, ə́ wɛli hon bələ mąą kpaɠala kɔ́lɔn. Mɛ̨nį ɲɔ̨n gəlee kɛ yɛlɛ kaa kɛa ə́ ɲɛ̨i ɓa.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Nwun mąąɓo 8:34

Israɛlə lonnii di hvo di kili lɛɛ Yai-Laa mąą mɛ̨nį hu, yai a di wɔ Yálá, yaai di kulɔ di yowoɠaa ŋɛ̨i kɛ di kwɛlɛ di yee mu.

Ɉeremi 23:27

Di wɔ hįįɠaa tii da kɛ ɉukulɔi di kee ɓa, di kaa bɔ di náá kili kpɛɛ nwɔ́ nuąi ŋą, yɛ bələi di nąnni di lɛ̨ą la náá ɓa, Baalə mąą mɛ̨nį ɓa.